Жаңалықтар
Олимпиада көгінде – қазақ туы
Кеше Оңтүстік Кореяның Пхенчхан қаласынан ақжолтай ақпарат жетті. Паралимпиада тарихында Қазақстан спортшысы тұңғыш рет алтын медаль жеңіп алды.
Шаңғы спортының бағдарламасы бойынша 1,5 километрлік спринт жарысында қазақстандық Александр Колядин мәре сызығын бірінші болып кесті. Аяғында протезы бар жерлесіміз жарыс жолын 4 минут 19,7 секундта бағындырды.
Күміс жүлдеге жапониялық Иошира Нитта ие болса, қола медаль канадалық Марк Аренцке бұйырды.
Қостанайлық шаңғышының құрметіне Олимп тұғырында Қазақстанның көк байрағы көтеріліп, әнұраны шырқалды.