Қауіпсіздік — өз қолымызда
Астана қай жағынан да өзгеге үлгі болуы керек. Әсіресе, еліміздің бас қаласы өмір сүруге қолайлы, қауіпсіздігі жан-жақты қамтамасыз етілген болуы тиіс.
Осы мақсатта елорданың прокуратурасы ерекше жобаны қолға алып отыр.
Астана қаласы прокуратурасының 1-ші басқармасынан бізге жеткен ақпарат бойынша, тың жоба «Құқық бұзушылыққа мүлдем төзбеу» деп аталады. Онда елордалық кез келген тұрғын өзі көзімен көрген, куә болған құқық бұзушылықты фото, бейнежазбаларға түсіріп, 115.kz. (электронды қолтаңба болса) порталына жолдай алады немесе www.youtube.com порталындағы іздеу бөлімінен «Актив.Астаны» каналын тауып, сонда жазбаны орналастыруға болады.
Ал тиісті орган өкілдері тұрғындар жіберген құқық бұзушылық деректердің ешқайсысы ескерусіз қалмай, тиісті шаралар қолданылатынын айтады.