Астана әкімдігі қаланың түнгі жарықтандырылуы үнемді және әсем түрде болуы тиіс деп санайды.
Елорданың күндізгі келбеті қандай әдемі болса, түнгі бейнесі де шамдардың жарығымен ажарлана түседі. Түрлі-түсті, ұлттық нақышта безендірілген шамдар туристер мен қонақтарды еріксіз таңқалдырып жүр. Жалпы Нұр-Сұлтанды қараңғылық түскеннен таңсәріге дейін барлығы 60 мыңға жуық шам жарықтандырып тұрады екен. «Ақылды қала» жобасы аясында энергияны үнемдеу шаралары да қолға алынған. «Қараңғы түнде тау қалғығанымен», Астана мүлгімейді. Күндіз-түні қайнаған тіршілік. Қаланы тас түнектен құтқарып тұрған жарық шамдар, негізінен, 250 ваттық.
