Жаңалықтар
Жеңіс ленталары таратылады
Бүгін елордада «Жеңіс лентасы» азаматтық акциясы басталып, үш күн бойы тұрғындарға ардагерлерге тағзым етуге үндейтін ленталар үлестіріледі.
«Бәйтерек», «Отан қорғаушылар» монументтерінің және «Хан Шатыр» сауда-ойын-сауық орталығының маңайында, сондай-ақ, қала әкімдігінің алдында әскери киімдегі еріктілер қала тұрғындары мен қонақтарға 30 мың лента таратады.
Жеңіс күнін мерекелеу символы ҚР Мемлекеттік Туының түсімен үйлестіріліп жасалған. Жеңіс лентасының ұзындығы – 30 см, ені – 3 см. Лентаның шеттерінде Отан соғысы Ордені бейнеленген.
Ал классикалық георгий лентасын тағуға ресми түрде тыйым салынбаған.