Әлкей әлемі
Ұлттық музейде ғалым, археолог, шығыстанушы, Қазақстан Ұлттық ғылым академиясының академигі Әлкей Марғұланның туғанына 120 жыл толуына арналған «Әлкей әлемі» тақырыбында дәріс өтті.
Іс-шара барысында Ә.Марғұлан атындағы Археология институтының ғылыми қызметкері Айнара Бейбіт ғалымның археология саласындағы зерттеулері туралы айтса, Ұлттық музейдің «Қазақстан тарихы» бөлімінің жетекші ғылыми қызметкері, PhD Ернұр Рахимов этнография саласындағы еңбектеріне, шоқантануға қосқан үлесіне кеңінен тоқталды. Сондай-ақ қатысушылар Ұлттық музей қорында сақталған Ә.Марғұлан-ның жеке заттары, қолжазбалары мен кітаптары, тұтынған заттары қойылған көрмемен танысты. Ә.Марғұлан атындағы №40 мектеп-лицейі мен А.Байтұрсынұлы атындағы BINOM-SCHOOL мектеп-лицейі оқушылары ғалым туралы өлеңдер мен естеліктер оқып, сұрақтарға жауап берді.