ناۋرىز – بىرلىكتىڭ, ىنتىماقتىڭ مەرەكەسى. بيىلعى مەرەكەنىڭ تاعى ءبىر ۇلكەن جەتىستىگى ۇلتتار ارا ىنتىماقتى كۇشەيتىپ, بىرلىكتى بەكەمدەۋدى تاقىرىپ ەتكەن مادەني ءىس-شارالار دا كوپ وتكىزىلدى. جالپى رەسپۋبليكا بويىنشا 400-گە جۋىق ءىس-شارا وتكىزىلسە, تەك استانانىڭ وزىندە 200-دەن اسا ناۋرىز دۋمانى تويلانىپ, جۇرت مەرەكە مەرەيىنە, ناۋرىز قىزىعىنا قاندى. سونىمەن قاتار قالانىڭ 5 اۋدانىندا 30-دان استام مەرەكەلىك كونتسەرت ءوتتى.
«ەحرو» حالىقارالىق كورمە ورتالىعىندا وتاندىق جانە شەتەلدىك قولونەرشىلەردىڭ قاتىسۋىمەن «كوشپەلى وركەنيەت» فەستيۆالى ءوتىپ, ونىڭ اياسىندا باي مازمۇندى مادەني شارالار ۇيىمداستىرىلسا, «بايتەرەك» مونۋمەنتىندە ۇلتتىق كيىم كيگەن جاستاردىڭ نەكە قيۋ سالتاناتىندا كوپكە سىيلى اقساقالدار مەن كوپبالالى انالار «ناۋرىز باتا» بەرەدى.
ورتالىق الاڭدا, «قازاق ەلى» مونۋمەنتىنە دە ناۋرىز شاتتىعى شالقىدى. اۋدان اكىمدىكتەرىمەن بىرلەسىپ الماتى اۋدانىنىڭ 12 تۇرعىن ءۇي الابىندا, بايقوڭىر اۋدانىنىڭ 8 تۇرعىن ءۇي الابىندا, سارىارقا اۋدانىنىڭ 4 الاڭىندا, ەسىل اۋدانىنىڭ 4 الاڭىندا, نۇرا اۋدانىنىڭ 4 الاڭىندا دا مەرەكەلىك ءىس-شارا ءوتتى.
وسى كۇندەرى ءارتۇرلى تۋرنيرلەر, جارىستار, ۇلتتىق ويىندار مەن ۇتىس ويىندارى وتكىزىلدى, ولارعا مەرەكەگە جينالعان جۇرتتىڭ كوبى قاتىسىپ, باعالى سىيلىقتارعا يە بولدى.
