استانا قالاسىندا جاڭا جىلدىق شىرشا مەرەكەسى باستالىپ كەتتى. قالا اكىمدىگى مەن «وردا» قوعامدىق ۇيىمى بىرلەسىپ جاڭا جىلدىق شىرشا مەرەكەسىن وتكىزدى. اۋتيزمگە شالدىققان بالالارعا قۋانىش سىيلاعان بۇل شاراعا قالا اكىمى اسەت يسەكەشەۆتىڭ ءوزى كەلىپ قاتىسىپ بۇلدىرشىندەردى جاڭا جىل مەرەكەسىمەن قۇتتىقتاپ زور دەنساۋلىق, جاقسىلىق تىلەدى.
شارا بارىسىندا ءارتۇرلى مۋلتفيلمدەر مەن ەرتەگىلەردىڭ كەيىپكەرلەرى قىزىقتى قويىلىمدار قويىپ, بالالار مەن ولاردىڭ اتا-انالارىنا كوتەرىڭكى كوڭىل-كۇي سىيلادى. بالالارعا ءارتۇرلى سىيلىقتار تاپسىرىلىپ, تاتتىگە تولى داستارحان جايىلدى.
«بىرلەستىگىمىزدە قازىرگى تاڭدا 100-گە جۋىق بالا بار. بۇگىنگى شاراعا سول بالالاردىڭ الپىس ءبىرى شاقىرتىلىپ وتىر. اۋتيزم سىرقاتى بار بالالارعا از دا بولسا قۋانىش پەن شاتتىق سىيلاۋ ماقساتىندا ۇيىمداستىرعان شارامىزعا قالا اكىمىنىڭ كەلىپ قاتىسۋى بۇلدىرشىندەرگە عانا ەمەس, ءبىز ءۇشىن دە ۇلكەن قۋانىش مارتەبە بولدى. قۋانىش سىيلادى. قۇتتىقتاۋ بارىسىندا قالا اكىمى قامقورلىققا ءزارۋ بالالاردىڭ تاعدىرىنا بەي-جاي قاراي المايتىنىن, ياعني, اۋتيزم ماسەلەسىنە ايرىقشا نازار اۋدارىلاتىنىن ايتتى. ياعني, كەلەسى جىلدان باستاپ اۋتيست-بالالاردى قولداۋعا جانە ولاردى قوعامعا كىرىستىرۋگە ارنالعان ارنايى كەشەندى باعدارلامالار ازىرلەنەتىن بولدى. ارينە, بۇل ۇلكەن قۋانىش» دەيدى اۋتيزمگە شالدىققان بالالار مەن ولاردىڭ اتا-انالارىنىڭ «وردا» قوعامدىق ءبىرلەستىگىنىڭ ءتورايىمى سالتانات ەسماعامبەتوۆا.
بۇركىت نۇراسىل
