وتكەن سەنبى كۇنى «حانشاتىر» ويىن-ساۋىق ورتالىعىندا استانا قالاسى جاستار ساياساتى باسقارماسى جانە استانا قالاسىنىڭ جاستار ساياساتىن قولداۋ مەملەكەتتىك قورىنىڭ ۇيىمداستىرۋىمەن «مەنىڭ العاشقى سايلاۋىم» اتتى فلەش-موب ءوتتى.
اكتسيانىڭ ماقساتى – ون سەگىز جاسقا تولعان, داۋىس بەرۋ قۇقىنا يە بولعان جاستاردى 26 ءساۋىر كۇنى وتەتىن كەزەكتەن تىس پرەزيدەنت سايلاۋىنا داۋىس بەرۋگە ۇگىتتەۋ. سونىمەن قاتار, استانا قالاسىنىڭ تۇرعىندارىن ازاماتتىق بەلسەندىلىككە شاقىرىپ, سايلاۋعا تولىق اتسالىسۋعا ناسيحاتتاۋ. «26 ساۋىرگە دەيىن مۇنداي ءىس-شارالار ءجيى وتەدى. بارلىق شارانىڭ ماقساتى – العاش داۋىس بەرۋ قۇقىنا يە جاستاردىڭ جانە قالا تۇرعىندارىنىڭ بەلسەندىلىگىن ارتتىرۋ» دەيدى ۇيىمداستىرۋ ءبولىمىنىڭ باسشىسى ادىلەت تولەۋتاەۆ.
ءىس-شاراعا استانا قالاسىنىڭ بەلسەندى جاستارى جانە قالا تۇرعىندارى قاتىستى. «حانشاتىردا» باستالعان فلەش-موب تۇستەن كەيىن «اجار استانا Mاll» ساۋدا ورتالىعىندا جالعاسىن تاپتى.
ىرىسبەك دابەي
