استانادا ءوتىپ جاتقان شاحماتتان الەمدىك كوماندالىق بىرىنشىلىكتىڭ التىنشى تۋرىندا قازاقستاننىڭ ايەلدەر كومانداسى تۇركيا كومانداسىن ۇتتى.
بۇل كەزدەسۋدە قازاقستاندىق شاحماتشىلار تاماشا ويىن ورنەگىن كورسەتتى. الا تاقتاداعى ايقاستا ۇلتتىق قۇرامانىڭ بىردە-ءبىر مۇشەسى ەسە جىبەرمەدى. ماسەلەن, گۇلىسحان ناقباەۆا قارسىلاسى بەتيۋل كەمرە يىلدىزدى ايقىن باسىمدىلىقپەن جەڭدى. ارتىنشا گۋلميرا داۋلەتوۆا كۋبرا وزتيۋركپەن تەڭ تۇسسە, ۇكىلى ءۇمىتىمىز دينارا سادۋاقاسوۆا كاردەلەن كەمحاندى سان سوقتىردى. سوڭعى ويىنشىمىز – ءمادينا داۋلەتباەۆا تۇركيالىق ەمەل كايامەن تارتىستى ويىندا ءبىر ۇپايدى تەڭ ءبولىستى. جالپى قورىتىندى بويىنشا ەسەپ 3:1 بولدى.
بۇل وسى چەمپيوناتتاعى ءبىزدىڭ العاشقى كوماندالىق جەڭىسىمىز بولاتىن. ۇزدىك ون كوماندا قاتىسىپ جاتقان دودا باستالماس بۇرىن ءبىزدىڭ ەل 9-ورىندا تۇرعان. ال, 6 تۋردان سوڭ 6-ورىنعا تابان تىرەگەمىز. بىراق, 7-تۋردا الەمنىڭ ازۋلى كومانداسى – قىتاي قىزدار قۇراماسى 3:1 ەسەبىمەن ءبىزدى تىزە بۇكتىردى.
ەربول جانات
