التىندى كىم الادى؟

فۋتبولدان قازاقستان چەمپيوناتىنىڭ پرەمەر-­ليگاسىندا سوڭعى تۋردىڭ ويىندارى قالدى.

ازىرگە چەمپيون انىق­تالماي تۇر. وسىعان دەيىن تۋرنير كەس­تەسىن باستاپ كەلگەن «اقتوبە» كومبە الدىندا قارسىلاسىمەن ۇپاي ءبولىستى. شىمكەنتتە «ورداباسىمەن» ويناعان اقتوبەلىكتەر 2:2 ەسەبىمەن تەڭ ءتۇستى. ەسەسىنە «استانا» سىرت الاڭدا جەڭىسكە جەتىپ, ءبىر ۇپاي العا وزدى. استانالىقتار «قىزىلجار» كومانداسىن 2:0 ەسەبىمەن تىزە بۇكتىردى.

وسىلايشا قازاقستاننىڭ 5 دۇركىن چەمپيونى «اقتوبە» مەن 6 دۇركىن چەمپيون «استانا» اراسىنداعى باسەكەنىڭ جەڭىمپازى سوڭعى تۋردا بەلگىلى بولادى. ال قولا جۇلدە ءۇشىن «توبىل» مەن «قايرات» تالاسادى.

ال پرەمەر-ليگادان قاي كوماندالار شىعىپ قالاتىنىن دا ايتۋ ازىرگە مۇمكىن ەمەس. بەلگىلىسى سوڭعى ەكى ورىندا قالعان كوماندالار كەلەسى جىلى ءبىرىنشى ليگادا وينايتىن بولادى.

سوڭعى تۋردىڭ ويىندارى 6 قاراشادا وتەدى. «شاحتەر» – «استانا», «اقتوبە» – «قايرات», «اقجايىق» – «توبىل», «ماقتاارال» – «ورداباسى», «تاراز» – «تۇران», «اقسۋ» – «اتىراۋ» كوماندالارى ءوزارا كەزدەسەدى.