ارداگەرلەر پاتەر الدى
ەل پرەزيدەنتىنىڭ قازاقستان حالقىنا جولداۋىندا ايتىلعان الەۋمەتتىك ساياساتتاعى ماڭىزدى باسىمدىقتاردىڭ ءبىرى ۇلى وتان سوعىسى ارداگەرلەرى مەن مۇگەدەكتەرىنە قولداۋ كورسەتۋ. وسىعان وراي, استانا اكىمىنىڭ ورىنباسارى اندرەي لۋكين ءبىر توپ مايدانگەرگە پاتەر كىلتىن تابىس ەتتى. ەندى ولار جەڭىس كۇنىن جاڭا پاتەردە تويلايتىن بولدى.
قالا اكىمىنىڭ ورىنباسارى ءوزىنىڭ قابىلداۋىنا كەلگەن ارداگەرلەردى ناۋرىز جانە الداعى جەڭىس مەيرامدارىمەن قۇتتىقتاي كەلە: «ەلباسىنىڭ ساليقالى ساياساتىنىڭ ارقاسىندا ارداگەرلەرگە جاسالىنىپ جاتقان قامقورلىق وتە زور. سونىڭ ءبىر كورىنىسى رەتىندە سىزدەرگە بۇگىن التى پاتەردىڭ كىلتىن تاپسىرعالى وتىرمىز. ءبىز سىزدەردى ارقاشان ماقتان تۇتامىز ءارى قۇرمەتتەيمىز», – دەدى.
مەرەكەلىك قۇتتىقتاۋدان سوڭ, ارداگەرلەردىڭ بارلىعىنا جەكە-جەكە پاتەردىڭ كىلتى تابىستالدى. شاراعا قاتىسۋشى قاريالار ەلباسى تاراپىنان جاسالىپ جاتقان وسىنداي يگى شارالارعا, جان-جاقتى قولداۋعا ءوز ريزاشىلىقتارىن ءبىلدىرىپ, العىستارىن جەتكىزدى.
– بىزگە دەگەن قۇرمەت پەن جاقسىلىقتارىڭ ءۇشىن شىن جۇرەگىمنەن راحمەت ايتامىن. بۇگىنگى ۇرپاق باقىتتى كەزەڭدە ءومىر ءسۇرىپ جاتىر. وسى بەيبىت كەزەڭ ءاردايىم ۇزاعىنان بولسىن, – دەيدى ۇلى وتان سوعىسىنىڭ ارداگەرى جاپاش كاشەكوۆ.
ەركەجان ساتىمبەك