«نۇر وتان» پارتياسى جانىنداعى «جاس وتان» جاستار قاناتى استانا تويى مەن «حالىقارالىق ناشاقورلىققا قارسى كۇرەس كۇنىنە» وراي «قازاقستان» سپورت كەشەنىندە «استانا – ەسىرتكىسىز قالا» اتتى مەرەكەلىك شارا وتكىزدى.
ەر ازاماتتار 3 شاقىرىم, ال قىزدار قاۋىمى 1,5 شاقىرىم قاشىقتىقتا جۇگىرۋدەن جارىسقا ءتۇستى.
سپورتتىق ءىس-شارا ۇلتتىق ناقىشتا جالعاسىن تاۋىپ, جينالعان قاتىسۋشىلار بىرلەسىپ «قارا جورعا» ءبيىن بيلەپ, قالانىڭ جاس انشىلەرى ءوز ونەرلەرىن كوپشىلىك نازارىنا ۇسىندى.
ال, «جاستار» سارايىنىڭ الاڭىندا ءارتۇرلى مادەني بىرلەستىكتەر وكىلى, تەاتر ارتىستەرى مەن شىعارماشىلىق ورتالىقتار ۇجىمى كوپشىلىك نازارىنا ناشاقورلىققا قارسى كۇرەستى ناسيحاتتايتىن قويىلىمدار ۇسىندى.
كۇنايىم ساكەن
