جاڭالىقتار
«استانا» — «يانگ بويز» ماتچى كەزىندە جول قوزعالىسى شەكتەلەدى
بۇگىن, 29 قىركۇيەك كۇنى «استانا ارەنا» ستاديونىندا ەۋروپا ليگاسى اياسىندا وتەتىن «استانا» – «يانگ بويز» ماتچى كەزىندە قابانباي باتىر جانە تۇران داڭعىلدارى بويىنداعى كەرەي-جانىبەك حاندارى كوشەسىنەن حۋسەين بەن تالال كوشەلەرىنە دەيىنگى جول بولىگى جابىلادى.
بۇل جولمەن جۇرۋشىلەرگە ورىنبور كوشەسىمەن اينالىپ جۇرۋگە كەڭەس بەرىلەدى.
بۇل جول ۋچاسكەسىندە كولىك قوزعالىسى تاكسي جانە قوعامدىق كولىكتەردەن باسقا اۆتوموبيلدەر ءۇشىن ساعات 19.00-دەن باستاپ ماتچ اياقتالعانعا دەيىن شەكتەلەدى.
جانكۇيەرلەر ءۇشىن ماتچقا اپاراتىن ارناۋلى اۆتوبۋستار ساعات 19.00-دە مىنا جەرلەردە كۇتەتىن
بولادى: «قازاقستان» سك, استانالىق تسيرك, ق.مۇڭايتپاسوۆ اتىنداعى ستاديون, «حازىرەت سۇلتان» جانە «نۇر استانا» مەشىتى.
جول ءجۇرۋ باعاسى – 90 تەڭگە.