استانادا ستريتبولدان الەم چەمپيوناتى باستالدى
بۇگىن استانادا ستريتبولدان الەم چەمپيوناتى جالاۋىن كوتەردى. «استانا وپەرا» تەاترىنىڭ الدىنداعى اشىق الاڭدا 5 ماۋسىمعا دەيىن جالعاساتىن دودادا 30 ەلدەن كەلگەن 200-دەن اسا ويىنشى كوشە باسكەتبولىنىڭ كورىگىن قىزدىرادى.
حالىقارالىق باسكەتبول فەدەراتسياسىنىڭ (FIBA) باسقارۋشى ديرەكتورى الەكس سانچەستىڭ اتاپ وتۋىنشە, الەم بىرىنشىلىگىن وتكىزۋ ءۇشىن قازاقستاننىڭ تاڭدالۋى كەزدەيسوق ەمەس. ستريتبولدى بارشا الەمدە, سونىڭ ىشىندە ءبىزدىڭ دە ەلىمىزدە دامىتۋ كوزدەلگەن.
ەلوردامىزدا ەرلەر مەن ايەلدەر قۇرامالارى اراسىندا باستالعان جارىس ءتورت توپتا ءبولىنىپ وتكىزىلەدى. كەشە قازاقستاننىڭ ەرلەر كومانداسى رۋمىنيا قۇراماسىمەن, ال ايەلدەر قۇراماسى نيدەرلاندى كومانداسىمەن شەبەرلىك بايقاستى.
چەمپيوناتقا كەلۋشىلەر قىزىقتى ويىن-ساۋىق باعدارلاماسىن دا تاماشالايتىن بولادى. سونداي-اق, باسكەتبولدان جانە ستريتۆوركاۋتتان شەبەرلىك سىنىپتارى وتكىزىلەدى. فريستايلەر مەن ۇشاتىن باسكەتبولشى-اكروباتتار ونەر كورسەتۋى جوسپارلانعان.
تاعى ءبىر ايتارىمىز, الەم چەمپيوناتى كەزىندە قالادا جاپپاي كوشە تۋرنيرلەرى ۇيىمداستىرىلىپ, استانا كۋبوگى ساراپقا سالىنادى.