استانادا العاش رەت اۋە جىلاندارى فەستيۆالى وتەدى!
ەلوردا كۇنىنە ارنالعان شارا قالا تۇرعىندارى مەن قوناقتارىنا تاماشا تارتۋ, ەرەكشە ۋاقيعا بولماق. مەرەكە جاسىل ەكونوميكا ۇستانىمدارىن قولداۋعا باعىتتالعان. جىلاندار بامبۋكتان جانە ءجۇز پايىز قايتا وڭدەلەتىن قاعازدان جاسالماق.
فەستيۆالدە اۋە جىلاندارىن باسقارۋدان حالىقارالىق دەڭگەيدەگى شەبەرلەر ونەر كورسەتەدى. كوپشىلىك تازا اۋادا جىلاندار بيىنە قانىعىپ قانا قويماي, شاراعا وزدەرى دە قاتىسۋعا مۇمكىندىك الادى. سونداي-اق, اۋە جىلاندارىنا قۇشتار شەت ەل كلۋبتارىنىڭ وكىلدەرىمەن ارنايى ازىرلەنگەن شوۋ-باعدارلامانى تاماشالايدى. ارناۋلى شاتىرلاردا كەز كەلگەن قاتىسۋشى قالاعان جىلاندارىن نۇسقاۋشىلاردىڭ كومەگىمەن جاساپ, ۇشىرا الادى.
5 شىلدە كۇنى ساعات 12:00 مەن 22:00 ارالىعىندا اقبۇلاق اۋدانىنداعى ساياباق ايماعىندا وتەتىن فەستيۆال اياسىندا بالالارعا جانە باسقا دا قاتىسۋشىلارعا ارنالعان شەبەرلىك ساباقتارى, قىسقا شوۋ-باعدارلامالار مەن ويىن-ساۋىقتار, سۋرەتتەر شەرۋى ۇيىمداستىرىلادى.
