وقۋ جىلىنىڭ باسىندا قالا مەكتەپتەرىندە 1-سىنىپ وقۋشىلارىنا تۋبەركۋلەزگە قارسى ەكپە جاساۋ جۇرگىزىلەدى. بۇل ەكپە تۋبەركۋلەزگە قارسى ەكىنشى ەكپە, ءبىرىنشىسىن بالالار تۋىلعان كەزدە الادى.
استانا قالاسى تۋبەركۋلەزگە قارسى ديسپانسەر فتيزيوپەدياترلارىنىڭ قاتىسۋىمەن مانتۋ سىناماسىن الدىن الا قويعاننان كەيىن عانا اۋماقتىق ەمحانالار قىزمەتكەرلەرى يممۋنداۋ جۇرگىزەدى. ەكپە ينفيتسيرلەنبەگەن, دەندەرى ساۋ بالالارعا جاسالادى.
مانتۋ سىناماسى مىندەتتى تۇردە دارىگەر بالالاردى قاراعان سوڭ عانا قويىلادى. كەيبىر اتا-انالار بالالارى ءۇشىن مانتۋ سىناماسىنان قاۋىپتەنەدى. نەگىزىندە بۇدان قورقۋدىڭ قاجەتى جوق, كەرىسىنشە, باستاپقى كەزەڭدە قاۋىپتى انىقتاپ, تۋبەركۋلەزدىڭ قانداي قاۋىپتى اۋرۋ ەكەنىن ەسكەرتە وتىرىپ دەر كەزىندە شارالار قولدانۋ جانە الدىن الۋ ءۇشىن كومەك بەرەدى. مانتۋ سىناماسى بالا اعزاسىنا زيان تيگىزبەيدى. سالىناتىن قوسپادا ميكروباكتەريالار داقىلىنىڭ فيلتراتتارى بار, الايدا ولار قىزدىرۋ ءادىسى ارقىلى ولتىرىلگەن, سوندىقتان دا قاۋىپسىز بولىپ كەلەدى.
سىنامانى جۇرگىزۋ كەزىندە پرەپاراتتى تەرىگە سالادى, سونداي-اق ءبىر رەتتىك شپريتستەر پايدالانىلادى. مانتۋ سىناماسىن ارنايى وقىعان, ءتيىستى دايارلىقتان وتكەن جانە رۇقسات قاعازى بار مەديتسينا قىزمەتكەرى جۇرگىزەدى. مانتۋ سىناماسى ناتيجەسى 72 ساعاتتان كەيىن بەلگىلى بولادى, ەگەر ءسىزدىڭ بالاڭىزعا بتسج جاساماسا جانە فتيزيوپەدياترعا جىبەرسە ۋايىمداۋدىڭ قاجەتى جوق. مۇنداي جاعدايلاردا اتا-انالار بالانى تۇرعىلىقتى مەكەنجايى بويىنشا ەمحانادا فتيزيوپەدياتردىڭ تەكسەرۋىنەن ءوتۋىن قامتاماسىز ەتۋ كەرەك, بۇل دەگەنىڭىز – كەۋدە قۋىسىنىڭ شولۋ رەنتگەنوگرامماسى, قان جانە ءزاردىڭ جالپى تالداۋى, ت.ب. تەكسەرۋ اينالىمى ءبىر ايدان اسپاۋى قاجەت, سەبەبى دارىگەردىڭ انىقتاماسى بولماي, بالاعا ساباققا قاتىسۋعا رۇقسات بەرمەيدى.
ەكپەنى جۇرگىزگەننەن كەيىن بالانىڭ ينەكتسيا سالعان ورنىن قاسىماۋ كەرەك.
بالاڭىزدىڭ دەنساۋلىعىنا ۇقىپتى بولىڭىز!
استانا قالاسى بويىنشا تۇتىنۋشىلاردىڭ قۇقىقتارىن
قورعاۋ دەپارتامەنتى
