كەشە «استانا اقشامى» گازەتى رەداكتسياسىندا «باس رەداكتورلار كلۋبى» رەسپۋبليكالىق قوعامدىق بىرلەستىگى باسشىلىعىنىڭ كەزەكتى ءماجىلىسى ءوتتى.
قوعامدىق ۇيىم اي سايىن ءتۇرلى رەداكتسيادا باس قوسىپ, كوشپەلى جيىن بارىسىندا باسىلىم باسشىسىنىڭ ۇسىنىستارىمەن تانىسۋدى داستۇرگە اينالدىرعان.
وزدەرىڭىز بىلەتىندەي, «استانا اقشامى» گازەتى رەداكتسياسى بيىلعى كوكتەمدە سول جاعالاۋعا, «نۇرسايا 2» مەكەن-جايىنا كوشكەن. قابىلداۋشى تاراپتىڭ باسشىسى قوناقتارعا رەداكتسيانىڭ جاڭا عيماراتىن, قونىس اۋىستىرعاننان كەيىنگى باسىلىم تىنىس-تىرشىلىگىندەگى وزگەرىستەردى تانىستىرىپ, الداعى ماقساتتارىمەن ءبولىستى. گازەتتىڭ سيپاتىن, قامتىلاتىن تاقىرىپتار ەرەكشەلىگىن ءسوز ەتتى. سونداي-اق, «استانا اقشامىنىڭ» باس رەداكتورى جۋرناليست مامانداردى دايارلاۋ مەن وسى ماماندىق ستۋدەنتتەرىنىڭ وندىرىستىك ءىس-تاجىريبەدەن ءوتۋ ماسەلەسى جونىندە بىرەر ۇسىنىسىن ءبىلدىردى. ءوز كەزەگىندە «باس رەداكتورلار كلۋبى» قوعامدىق بىرلەستىگىنىڭ پرەزيدەنتى كەنجەبولات جولدىباي بۇل ۇسىنىستار ءتيىستى مەكەمەگە جولداناتىنىن جەتكىزدى.
«ۆەچەرنيايا استانا» گازەتىنىڭ باس رەداكتورى نۇرعالي ابىلداەۆ ءوز سوزىندە: «باسىلىم ورىس تىلىندە شىعاتىنىمەن, قازاق ءتىلىن دامىتۋعا, ونىڭ قوعامداعى ءرولىن ارتتىرۋعا قاتىستى ماتەريالدار ءجيى-ءجيى جاريالانىپ تۇرادى» دەدى.
جيىننىڭ نەگىزگى بولىگىندە «ليتەر» گازەتىنىڭ باس رەداكتورى, قوعامدىق بىرلەستىكتىڭ ۆيتسە-پرەزيدەنتى قايسار جاناحانوۆتىڭ ەسەبى تىڭدالدى. ۆيتسە-پرەزيدەنت ودان ءارى اتقارىلعان ىستەر مەن الداعى ۋاقىتتا جاسالۋى ءتيىس جۇمىستارعا جەكە-جەكە توقتالدى.
باسقوسۋدىڭ قورىتىندى كەزەڭىندە كەنجەبولات جولدىبايۇلى جىل باسىنان بەرگى جەتىستىكتەرىن, بىرلەستىكتىڭ قاتىسۋىمەن شەشىمىن تاپقان ماسەلەلەردى, اتقارىلعان شارالاردى ايتا كەلە, كەلەر جولعى جيىندا بەس ۆيتسە-پرەزيدەنتتىڭ ءبىرى مۇراتبەك توقتاعازيننىڭ ەسەبى تىڭدالاتىنىن مالىمدەدى.
سونداي-اق وتاندىق جۋرناليستيكاعا قوسقان ۇلەسى ءۇشىن «حالىق ءسوزى» گازەتىنىڭ باس رەداكتورى قۋات اۋەسبايعا قۇرمەت گراموتاسىن تابىس ەتتى.
ەربول جانات
