باستى ماقسات – كاسىپورىن تيىمدىلىگى مەن قۋاتىن ارتتىرۋ

ءبىر جىل بۇرىن «Astana» الەۋمەتتىك كاسىپكەرلىك كورپوراتسياسىنا سەنىمدى باسقارۋعا زاڭدى تۇلعالار قاتارىنداعى ون سەگىز كاسىپورىن بەرىلدى. نۇر-سۇلتان قالاسى ءماسليحاتىنىڭ بيۋدجەت, ەكونوميكا, ونەركاسىپ جانە كاسىپكەرلىك ماسەلەلەرى جونىندەگى تۇراقتى كوميسسيانىڭ وتىرىسىندا وسىلاردىڭ ىشىندەگى «استاناەنەرگوسەرۆيس» اق, «استانا باس جوسپارى» عزجي» جشس, «استانا تازالىق» جشس سياقتى نىسانداردى باسقارۋدىڭ تيىمدىلىگى قارالدى.وسى ءبىر جىل ىشىندە «Astana» اكك» اق تاراپىنان اتالمىش كاسىپورىندار قۋاتىن ارتتىرۋ باعىتىندا نە اتقارىلدى؟ بولاشاق جوسپارلار قانداي؟ ءماسليحات دەپۋتاتتارى وسىنىڭ ەسەبىن تىڭدادى.
– ەلوردانىڭ ەنەرگەتيكا كەشەنىن ءتيىمدى باسقارۋ ماقساتىندا, سونىڭ ىشىندە تۇتىنۋشىلارعا تۇسەتىن قوسىمشا جۇكتەمەنى الىپ تاستاۋ, باسقارۋ پەرسونالىن ۇستاۋدا ارتىق شىعىنداردى بولدىرماۋ ءۇشىن وسى جىلدىڭ 27 تامىزىندا اكتسيونەرلەردىڭ جىلدىق جالپى جينالىسىندا «استاناەنەرگوسەرۆيس» اكتسيونەرلىك قوعامىن تاراتۋ تۋرالى شەشىم قابىلداندى. نۇر-
سۇلتان قالاسى اكىمىنىڭ ورىنباسارى اسقار ءامرين بەكىتكەن «جول كارتاعا» سايكەس كاسىپ­ورىنعا تۇگىندەۋ جۇرگىزىلىپ, ونىڭ مۇلكى «استانينسكايا ەنەرگوسبىتوۆايا كومپانيا» جشس-كە بەرىلدى. «استاناەنەرگوسەرۆيستى» تاراتۋ جىلدىڭ سوڭىنا دەيىن كوزدەلىپ وتىر. كاسىپورىندى تاراتۋ اياقتالعان سوڭ جىل سا­يىن 1 ميلليارد تەڭگە ۇنەمدەلەدى دەپ وتىرمىز. قازىرگى تاڭدا ونىڭ ەسەبىنەن «استانا تازالىق» جشس-كە 67 قاجەتتى تەحنيكانى ساتىپ الۋ جۇمىستارى جۇرگىزىلۋدە. جالپى العاندا, اتالمىش كاسىپورىنعا 124 تەحنيكا ساتىپ الىنباق, – دەدى قالالىق اكتيۆتەر جانە مەملەكەتتىك ساتىپ الۋلار باسقارماسىنىڭ باسشىسى ەرسىن وتەباەۆ.
ونىڭ ايتۋىنشا, «استانا تازالىق» جشس-ءتىڭ شتاتىندا 2300 ادام جۇمىس ىستەيدى. جالاقى قورى 2,8 ملرد تەڭگەنى قۇرايدى. 2019-2020 جىلدارى كاسىپورىن اۆتوپاركى مەن مامانداندىرىلعان تەحنيكانى تولىقتىرۋ ماقساتىندا وسى كۇندەرگە دەيىن 15 اۆتوگرەيدەر, 20 كوپفۋنكتسيونالدى شاعىن ­تيەگىش, 2 تراكتور, 15 قار تيەگىش جانە باسقا دا تەحنيكا ساتىپ الىندى. ال 198 ادام قىزمەت ەتەتىن «استانا باس جوسپارى» عزجي» جشس جۇمىسى ءوز ءتيىم­دىلىگىن كورسەتتى.
اتالعان كاسىپورىندار قىز­مەتى تۋرالى «Astana» اكك» اق باسقارما توراعاسى رۇستەم
قۋانىشباەۆ تولىعىراق بايانداپ, پروبلەمالاردى دا جاسىرمادى. اتاپ ايتقاندا, «استانا تازالىق» جشس جۇمىسكەرلەرى قولمەن جينايتىن اۋماق كولەمى جىلدان-جىلعا ازايىپ بارادى. ماسەلەن, 2017 جىلى ءبىر اپتانىڭ ىشىندە 11,8 ملن شارشى مەتر تازالانسا, 2018 جىلى بۇل كورسەتكىش 11,3 ملن شارشى ­مەترگە ازايدى. بيىل, ءتىپتى, 8,2 ملن شارشى مەترگە ءتۇسىپ كەتتى.
– مۇنىڭ سەبەبى, قازىر بۇل سالادا باسەكەلەستىك ارتتى. مەحانيكالىق قولمەن جيناۋ جۇمىسىنا جەكەمەنشىك كاسىپورىندار كوپ قاتىساتىن بولدى. وسىعان بايلانىستى «استانا تازالىق» سياقتى ءىرى كاسىپورىندار كونكۋرستاردى جەڭىپ, تازالاۋ جۇمىستارىن ساپالى اتقارۋ ءۇشىن الدا كونكۋرستاردى ءۇش جىلعا جاريالاۋ جوسپارلانىپ وتىر. بۇل ماقساتتا قازىر تەحنيكانى جاڭارتۋ جۇمىسى قارقىندى جۇرگىزىلۋدە. قىسقى تەحنيكا جەلتوقساننىڭ ورتاسىنا دەيىن جەتكىزىلەدى, ال كوكتەمگە جانە جازعا كەرەك تەحنيكانى ناۋرىز ايىندا ساتىپ الامىز, – دەدى ر.قۋانىشباەۆ.
قازىرگى كەزدە «استانا تازالىق» جشس 12 مارشرۋت بو­يىنشا تازالاۋ جۇمىستارىن جۇرگىزىپ جاتىر. 25 مىڭ تەكشە مەتر قۇم-تۇز قوسپاسى مەن 1 مىڭ توننا كوكتايعاققا قارسى رەاگەنت دايىندالدى. جالپى, وسى قىستا قالانى قاردان تازالاۋعا اتالمىش كاسىپورىننان 496 تەحنيكا جۇمىلدىرىلدى. ءتورت اۋدانداعى قار توگىلەتىن ورىندار بەلگىلەندى. قولمەن جيناۋعا 420 ادام, «استانا تازالىقتىڭ» 600 جول جۇمىسكەرى تازالىق جۇمىس­تارىنا شىعادى.
– 2017, 2018 جىلدارى كاسىپ­ورىنعا تەحنيكانى ساتىپ الۋعا قاراجات مۇلدە بولىنبەدى. بيىل قارجى ءبولىنىپ وتىر. بۇل وتە دۇرىس بولدى. ءبىز قازىرگى ۋاقىتتا قالانىڭ 30 پايىزىن عانا تازالايمىز. ەلوردادا ءتورت اۋدان بولاتىن بولسا, سولاردىڭ اۋماعى بىرنەشە بولىككە بولىنگەن. مىسال ءۇشىن الماتى اۋدانىندا 10 ورام بولسا, ءبىز سونداعى بىرەۋىندە عانا جۇمىس ىستەيمىز. بىراق سىن, نەگىزىنەن, ءبىزدىڭ كاسىپ­ورىنعا عانا ايتىلادى. ال قازىر باسەكەلەستەرىمىز بارشىلىق, – دەدى «استانا تازالىق» جشس باس ديرەكتورى باعدات ازباەۆ.
ءماسليحات دەپۋتاتى زەينوللا شىبكەنوۆ تاياۋدا سول جاعالاۋداعى تۇرعىن ۇيلەردىڭ جارىقسىز قالعانىن ەسكە الىپ, قالانى ەلەكترەنەرگياسىمەن قامتۋ ىسىندە اسا مۇقيات بولۋى كەرەكتىگىن ايتا كەتتى. ونىڭ ارىپتەسى ءماجيت شايداروۆ قار تازالاۋ كەستەسىنە بايلانىستى ەسكەرتپە ايتتى. باسقا دا دەپۋتاتتار ماسەلە بويىنشا ءوز ۇسىنىس-پىكىرلەرىن جەتكىزدى.