2017 جىلدىڭ 1 شىلدەسىنەن باستاپ 2 ميلليوننان استام زەينەتكەردىڭ بازالىق زەينەتتىك تولەمىنە بىرجولعى قايتا ەسەپتەۋ جۇرگىزىلەدى دەدى قر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا.
بۇل ماقساتتارعا 137 ميلليارد تەڭگە جارتى جىلعا, ال ءبىر جىلعا 275 ميلليارد تەڭگە ءبولۋ كوزدەلىپ وتىر.
ياعني, 2017 جىلدىڭ 1 شىلدەسىنەن باستاپ, ازاماتتىڭ 1998 جىلعى 1 قاڭتارعا دەيىنگى ەڭبەك ءوتىلىن جانە 1998 جىلدان كەيىنگى زەينەتاقىلىق جۇيەگە قاتىسۋىن ەسكەرە وتىرىپ, جالپى 20 جىل ەڭبەك ءوتىلى بارلار كۇنكورىستىڭ ەڭ تومەنگى جاڭا مولشەرىنەن 70 پايىز كولەمىندە الاتىن بولادى.
ال 35 جىلدان استام ەڭبەك ءوتىلى بار زەينەتكەرلەر كۇنكورىستىڭ ەڭ تومەنگى جاڭا مولشەرىنەن 100 پايىز دەڭگەيىندە الادى. ءمينيستردىڭ ايتۋىنشا, كۇنكورىستىڭ ەڭ تومەنگى مولشەرىن ەسەپتەۋدىڭ ادىستەمەسى 2017 جىلدىڭ 1 قاڭتارىنان وزگەرەدى.
قازاقستاننىڭ زەينەتاقى جۇيەسىن ودان ءارى جاڭعىرتۋدىڭ 2030 جىلعا دەيىنگى تۇجىرىمداماسى ەلباسىنىڭ تاپسىرماسى بويىنشا ازىرلەندى.
