ەلدىگىمىزدى نىعايتۋعا باعدار بەرگەن ەلباسىنىڭ جولداۋىن ەلوردانىڭ پوليتسەيلەرى دە تالقىلاپ, ويلارىن ورتاعا سالدى.
جولداۋ جۇكتەگەن مىندەتتەردى جۇزەگە اسىرۋعا ارنالعان جيىندى استانا قالاسى ىشكى ىستەر دەپارتامەنتىنىڭ باستىعى, پوليتسيا گەنەرال-مايورى امانتاي ءاۋباكىروۆ جۇرگىزىپ وتىردى. «بۇل – ەلىمىزدىڭ ءارى قاراي دامۋ باعىتىن ايقىندايتىن باستى قۇجات بولعاندىقتان, ونداعى ءار تاپسىرمانى ورىنداۋ – قوعامعا ارتىلعان جۇك. ءبىز دە جان-جاقتى, تۇراقتى دامۋدى كوزدەگەن ستراتەگيالىق قۇجاتتاعى بەلگىلەنگەن مەجەلەرگە جەتۋگە ۇلەسىمىزدى قوسۋىمىز قاجەت» دەدى دەپارتامەنت باستىعى. امانتاي اكرامۇلى ەلباسى جولداۋىندا ەكونوميكانى, شاعىن جانە كاسىپكەرلىكتى, كولىك-جول قۇرىلىسىن دامىتۋمەن قوسا, بەيبىتشىلىك پەن تۇراقتىلىقتى ساقتاۋ, ءپاتريوتيزمدى دامىتۋ ءماسەلەسىنە قاتىستى دا كوپتەگەن جايتتار ايتىلعانىن اتاپ ءوتتى. «مەملەكەت باسشىسىنىڭ «وتاندى ءسۇيۋ – بابالاردان ميراس بولعان ۇلى مۇرانى قادىرلەۋ, ونى كوزدىڭ قاراشىعىنداي ساقتاۋ, ءوز ۇلەسىڭدى قوسىپ, دامىتۋ جانە كەيىنگى ۇرپاققا امانات ەتىپ, تابىستاۋ دەگەن ءسوز. بارشا قازاقستاندىقتاردىڭ جۇمىسىنىڭ تۇپكى ءمانى – وسى!» دەگەنىندە ۇلكەن ءمان جاتىر. ەلوردالىق پوليتسەيلەر قوعامنىڭ قاۋىپسىزدىگى مەن ءبىرلىگىن قامتاماسىز ەتۋدە ساقاداي ساي بولۋى ءتيىس. ءبىز ەلباسى اتاپ وتكەندەي, بەيبىتشىلىكتى كۇن سايىنعى ەڭبەگىمىزبەن قورعاۋىمىز كەرەك» دەدى امانتاي اۋباكىروۆ.
جيىندا استانا قالاسى ىشكى ىستەر دەپارتامەنتىنىڭ ارداگەرلەر كەڭەسىنىڭ توراعاسى ەسىم تانابەرگەنوۆ تە كوپشىلىك اتىنان جولداۋعا قاتىستى پىكىرىن ءبىلدىردى. «ۇلت كوشباسشىمىز نۇرسۇلتان ءابىشۇلى نازارباەۆتىڭ ءبىزدىڭ الدىمىزعا قويىپ وتىرعان ءمىندەتتەرى جىلدان-جىلعا ارتىپ كەلەدى. سوندىقتان ەلىمىزدىڭ تاۋەلسىزدىگىن نىعايتۋ جولىندا حالىقتىڭ جانە ءسىز بەن ءبىزدىڭ ىستەپ جاتقان ەڭبەكتەرىمىزدىڭ بارلىعى مەملەكەتىمىزدىڭ نىعايۋى, تاۋەلسىزدىكتىڭ تۇعىرلىلىعى, حالىقتىڭ ءال-اۋقاتىنىڭ ارتۋى ءۇشىن جاسالۋدا. وسى جولدا ءبارىمىز ەلدىڭ بىزگە دەگەن سەنىمىن اقتاپ, ماقساتتارعا جەتەمىز دەپ مەن نىق سەنەمىن» دەدى ول.
قىمبات نۇرعالي
