قازاق شاحمات الەمىندە جۇلدىزى جانعان ەلوردالىق وقۋشىلار بار. سونىڭ ءبىرى – №91 مەكتەپ-گيمنازيا ماقتانىشى, 9 جاسار جاس شاحماتشى الاننا بەرىكقىزى.
شاحماتتى اقىل-ويدىڭ شەكسىز جاتتىقتىرۋشىسى دەپ بىلەتىن الاننا – 2023 جىلدان باستاپ گرەتسيا ەلى, رودوس قالاسىنداعى كلاسسيكالىق شاحماتتان 9 جاسقا دەيىنگى قازىرگى الەم چەمپيونى, گرۋزيا ەلى, باتۋمي قالاسىنداعى 10 جاسقا دەيىنگى جىلدام شاحماتتان الەم ۆيتسە-چەمپيونى, FIDE نۇسقاسى بويىنشا سپورت شەبەرىنە حالىقارالىق كانديدات, ءال-اينداعى 10 جاسقا دەيىنگى كادەتتەر اراسىنداعى ازيا چەمپيوناتىنىڭ قولا جۇلدەگەرى, الماتى قالاسىندا وتكەن رەسپۋبليكالىق چەمپيوناتتا كلاسسيكالىق جانە جىلدام شاحماتتان قازاقستان بويىنشا ءابسوليۋتتى چەمپيونى, استانا قالاسىنىڭ بىرنەشە دۇركىن چەمپيونى, كوپتەگەن رەسپۋبليكالىق جانە حالىقارالىق اشىق تۋرنيرلەردىڭ, اتاپ ايتقاندا, استانا قالاسى ءبىلىم باسقارماسىنىڭ قولداۋىمەن وتكەن «مەكتەپ ليگاسى» رەسپۋبليكالىق ءتۋرنيرىنىڭ جۇلدەگەرى. ءتىپتى جاس سپورتشى ءبىر چەمپيوناتتا ءۇش مەدالعا دا يە بولعان. بىرىككەن اراب امىرلىكتەرى ءال-اين قالاسىندا وتكەن ازيا چەمپيوناتىندا 2023 جىلدىڭ 13-23 جەلتوقسانى ارالىعىندا وتكەن 10 جاسقا دەيىنگى قىزدار اراسىندا 3 مەدال – جىلدام شاحماتتان كۇمىس, كلاسسيكالىق شاحماتتان قولا جانە جىلدام شاحماتتان قولا مەدال ۇتىپ الدى.
الاننا قىزىمىز 17 اقپاننان 23 اقپانعا دەيىن اۆستريادا وتكەن حالىقارالىق تۋرنيرگە قاتىسسا, 27 اقپاننان 7 ناۋرىزعا دەيىن چەحياداعى تۋرنيرلەرگە شاقىرۋ الدى. اir اstana «جاس قىران» بايقاۋىنىڭ ناتيجەسى بويىنشا بارلىق شىعىندى تولەيدى. ساتتىلىك ساعان, ءبىزدىڭ الەمدىك دەڭگەيدەگى جاس جۇلدىزىمىز!
گۇلنار احمەتوۆا,
№91 مەكتەپ-گيمنازيا ديرەكتورىنىڭ تاربيە ءىسى جونىندەگى ورىنباسارى
