«قازاقستان حالىق بانكى» اق استانا وڭىرلىك فيليالىندا شاعىن جانە ورتا بيزنەستى جانداندىرىپ, بۇقارالىق كاسىپكەرلىكتى دامىتۋ ماقساتىندا سەمينار ءوتتى.
سەمينارعا كاسىپكەرلىك جانە ونەركاسىپ باسقارماسىنىڭ ماماندارى مەن «دامۋ» كاسىپكەرلىكتى دامىتۋ قورى مەن «اتامەكەن» ۇلتتىق كاسىپكەرلەر پالاتاسى جانە باسقا دا بىرقاتار كومپانيالاردىڭ وكىلدەرى, بيزنەس باستاۋشىلار مەن تاجىريبەلى كاسىپكەرلەر قاتىستى.
جيىن بارىسىندا مەملەكەت باسشىسىنىڭ تاپسىرماسى بويىنشا جۇزەگە اسىرىلعان بۇقارالىق كاسىپكەرلىك باعدارلاماسى تۋرالى كەڭىنەن ايتىلدى. اتالمىش باعدارلاما بويىنشا كەز كەلگەن كاسىپكەر نەمەسە بيزنەس باستاۋعا نيەتى بارلاردىڭ قازاقستانداعى ەكىنشى دەڭگەيلى ءتورت بانكتەن 18 ملن تەڭگەگە دەيىن 6 پايىزدىق نەسيە الۋعا مۇمكىندىگى بار. ول بانكتەر: «قازاقستان حالىق بانكى» اق, «سبەربانك قازاقستان» اق, «اتف بانك» اق جانە «نۇربانك» اق. مۇنداي جەڭىلدەتىلگەن نەسيە الۋ ءۇشىن بانككە وتكىزۋ قاجەت قۇجاتتاردىڭ ىشىندە ارنايى بيزنەس كۋرستى تامامداعانى جونىندە سەرتيفيكات تا تالاپ ەتىلەدى. ايتا كەتۋ كەرەك, كۋرستى «دامۋ» كاسىپكەرلىكتى دامىتۋ قورى نەمەسە «اتامەكەن» ۇلتتىق كاسىپكەرلەر پالاتاسىندا ونلاين جانە وفلاين تۇردە تەگىن وقۋعا بولادى. سونىمەن قاتار, نەسيەگە قول جەتكىزۋ ءۇشىن مىندەتتى تۇردە جىلجىمايتىن مۇلىك كەپىلگە قويىلادى. ەگەر كاسىپ يەسىنىڭ كەپىلدىك قويۋعا مۇمكىندىگى بولماسا, بيزنەس باستاۋشىلارعا تەك 18 پايىز, ال كاسىپكەرلەرگە 50 پايىزعا دەيىن «دامۋ» قورى كەپىلگەر بولاتىنىن ايتادى ماماندار.
ءوز سوزىندە «قازاقستان حالىق بانكى» اق استانا وڭىرلىك فيليالىنىڭ ديرەكتورى جانار راحيموۆا بۇقارالىق كاسىپكەرلىكتى دامىتۋ جونىندە مەملەكەت بيۋدجەتىنەن وتكەن جىلى 230 ملن تەڭگە بولىنگەنىن, بۇل قارجى 16 كاسىپكەردىڭ ەنشىسىنە بۇيىرعانىن اتاپ ءوتتى. ال بيىلعى قارجىلاندىرۋ ءساۋىر ايىندا بولاتىنىن تىلگە تيەك ەتكەن ول جيىنعا قاتىسۋشىلاردىڭ بىرقاتار ساۋالدارىنا جاۋاپ بەردى.
نۇرداۋلەت كاكىشەۆ
