5-7 قىركۇيەك ارالىعىندا ەلورداداعى «Astana Mall Multispace» كوۆوركينگىندە «Atameken Startup» اتتى بيزنەس-جوبالار بايقاۋى وتەدى.
«ءبىز قازاقستانداعى جاستار كاسىپكەرلىگىن قولداپ, دامىتۋ جولىندا ءتۇرلى كونكۋرستار ۇيىمداستىرامىز. اتاپ ايتقاندا, 2012-2013 جىلدارى وتكىزىلگەن 20 بيزنەس-جوبا بايقاۋىنا 5000-عا جۋىق ادام قاتىستى. مەگاپوليس قالالار سانالاتىن استانا مەن الماتى جاستارىنىڭ كاسىپكەرلىكپەن اينالىسۋعا مۇمكىندىگى مول بولعاندىقتان, ەل وڭىرلەرىنە ەرەكشە باسىمدىق بەرۋگە تىرىسامىز. وسى ارقىلى جاس ازاماتتاردىڭ وزدەرىنە دەگەن سەنىمدىلىگىن كۇشەيتىپ, ءىس باستاۋعا قۇلشىنىسىن ارتتىرعىمىز كەلەدى» دەيدى «Atameken Startup» قوعامدىق قورىنىڭ ديرەكتورى نۇرلان تازابەكوۆ.
بايقاۋعا ەرەكشە يدەياسى بار كەز كەلگەن جاس www.atamekenstartup.kz سايتىنا تىركەلۋ ارقىلى قاتىسۋعا تىلەك بىلدىرە الادى. جەڭىمپاز ءۇش نوميناتسيا بويىنشا انىقتالادى: ءوندىرىس پەن قىزمەت, اقپاراتتىق تەحنولوگيالار جانە الەۋمەتتىك سالاداعى ۇزدىك بيزنەس-جوبالار. جالپى جۇلدە قورى –
3 ملن تەڭگە.
ءمادينا جاقىپ
