استانا قالاسى اكىمدىگىنىڭ قولداۋىمەن №3 پەريناتالدىق ورتالىق «بالا – ءومىرىمىزدىڭ گۇلى» اتتى شارا وتكىزدى. 300-گە تارتا اياعى اۋىر كەلىنشەكتەردىڭ قاتىسۋىمەن وتكەن اكتسيانىڭ بەرەرى مول بولدى. دارىگەر-ماماندار كەڭەسى تىڭدالىپ, پسيحولوگتار بولاشاق انالاردىڭ پسيحو-ەموتسيونالدىق كوڭىل-كۇيلەرىنە جاعىمدى ىقپال ەتەتىن ارنايى ترەنينگ وتكىزدى.
– وسىمەن ءۇشىنشى رەت وتكىزىلىپ وتىرعان قازاقتىڭ داستۇرىمەن ايتقاندا, كەلىنشەكتەردىڭ «باستاڭعىسى» اسەرلى ءوتتى. ءبىزدىڭ ماقساتىمىز – جۇكتىلىك كەزەڭىندە ايەلدەر وزدەرىن جاقسى سەزىنىپ, قۇرساقتاعى بالانىڭ جايلى ورتادا دامۋىنا جان-جاقتى قولداۋ كورسەتۋ. ۇيىمداستىرىلعان شارادان كەيىن ايەلدەردىڭ كوڭىل-كۇيلەرى كوتەرىلىپ, بولاشاق بالاسى الدىنداعى جاۋاپكەرشىلىگىن سەزىنىپ, قازىرگى جاعدايىنا باسقاشا كوزبەن قارايتىنى بايقالدى, – دەدى «Green Clinic» كلينيكاسىنىڭ ديرەكتورى نۇرتاس بالمۇحامەدوۆ.
انا مەن بالا دەنساۋلىعىن ساقتاۋ سالاسىنداعى زاماناۋي جوبالاردىڭ ەلوردادا ءداستۇرلى وتكىزىلۋىنىڭ ماڭىزى بار. تەك سوڭعى ون ايدىڭ ستاتيستيكاسىنا سۇيەنسەك, ەلوردا پەريناتالدىق ورتالىقتارىندا 25 691 نارەستە دۇنيە ەسىگىن اشقان.
