استانادا وتەتىن «ەكسپو-2017» حالىقارالىق كورمەسىنە قاتىساتىن ەلدەر وسى جىلدىڭ سوڭىنا قاراي كورمە اۋماعىنداعى پاۆيلوندارىن تولتىرا باستايدى, دەپ ءمالىمدەدى «استانا ەكسپو-2017» ۇلتتىق كومپانياسى» اق باسقارما توراعاسىنىڭ ورىنباسارى ەربول شورمانوۆ.
«ەكسپو كورمەسى – تاۋەلسىز قازاقستاننىڭ تاريحىنداعى ەڭ ءىرى جوبا بولعاندىقتان, جاۋاپكەرشىلىگى جوعارى. بۇل جوبانى ابىرويمەن جۇزەگە اسىرعىمىز كەلەدى. قازىر كورمەنىڭ دايىندىعى قارقىندى ءجۇرىپ جاتىر. كورمە اۋماعىنىڭ قۇرىلىسى دا قارقىندى. سوندىقتان, وسى جىلدىڭ سوڭىندا حالىقارالىق كورمەگە قاتىسۋىن راستاعان مەملەكەتتەردىڭ پاۆيلونىن وزدەرىنە بەرەمىز. ەلدەر جىل سوڭىنان باستاپ پاۆيلوندارىن تولتىرا بەرەدى» دەدى ە.شورمانوۆ.
سونداي-اق, ول ءدال قازىرگى ساتتە 90 ەل مەن 15 حالىقارالىق ءىرى ۇيىم استاناداعى كورمەگە قاتىساتىنىن راستاعاندىعىن ەسكە سالدى. 70 ەلدىڭ كوميسسيارلارى انىقتالىپ, 50 كەلىسىمشارتقا قول قويىلعان.
ايتا كەتەيىك, 10 ماۋسىم كۇنى, ياعني, كورمەنىڭ اشىلۋىنا تۋرا ءبىر جىل قالعاندا كورمە بيلەتتەرى ساتىلىمعا تۇسكەن بولاتىن.
