ورتالىق كوممۋنيكاتسيالار قىزمەتىندە «سامۇرىق-ەنەرگو» اق باسقارما توراعاسى الماسادام ساتقاليەۆتىڭ ەلەكتر ەنەرگەتيكاسى سالاسىنداعى جوبالاردى ىسكە اسىرۋ ماسەلەلەرى بويىنشا بريفينگى ءوتتى. توراعانىڭ ايتۋىنشا, «سامۇرىق-ەنەرگونىڭ» ينۆەستيتسيالىق پورتفەلىندە ەلەكتر قۋاتى تاپشىلىعى مəسەلەسىن شەشۋگە مۇمكىندىك بەرەتىن 14 جوبا بار ەكەن.
«ەلباسى جولداۋىندا كورسەتىلگەن بارلىق باسىم باعىتتار «سامۇرىق-ەنەرگو» كومپانياسىنىڭ 2022 جىلعا دەيىنگى دامۋ ستراتەگياسىندا قامتىلعان. ءبىزدىڭ قازىرگى ماقسات-مىندەتىمىز – قازاقستاننىڭ ەنەرگەتيكالىق قاۋىپسىزدىگىن قامتاماسىز ەتۋ, əلەۋمەتتىك جاۋاپكەرشىلىكتى ارتتىرۋ, جاڭعىرمالى ەنەرگيا كوزدەرىن جاڭعىرتۋ, جوعارعى تەحنولوگيا, سəيكەسىنشە جاڭا قۋات كوزدەرىن سالۋ, قورشاعان ورتاعا كەلەتىن زياندى ازايتۋ» دەگەن الماسادام مايدانۇلى ولاردى ىسكە اسىرۋ ەلەكتر قۋاتى تاپشىلىعى مəسەلەسىن شەشۋگە مۇمكىندىك بەرەتىنى جəنە وڭىرلەردىڭ əلەۋمەتتىك-ەكونوميكالىق دامۋى ءۇشىن جاڭا مۇمكىندىكتەر ۇسىناتىنىن جەتكىزدى. قازىر ءۇيد باعدارلاماسى اياسىندا ەكىباستۇز 1-ماەس-ءتى جاڭعىرتۋ جəنە قۋاتىن كەڭەيتۋ, ەكىباستۇز 2-ماەس-ءتىڭ 3-ەنەرگيا بلوگىن سالا وتىرىپ كەڭەيتۋ جəنە قايتا قۇرۋ, شاردارا گەس-ءىن جاڭعىرتۋ, الماتى قالاسى مەن الماتى وبلىسىندا قوسالقى ستانتسيالار سالۋ جəنە قۋاتى 45 مۆت ەرەيمەنتاۋ جەس-ءىن سالۋ سىندى 6 جوبا ىسكە اسىرىلىپ جاتقان كورىنەدى.
ال قازىردىڭ وزىندە «سامۇرىق-ەنەرگو» جوبالاۋ قۋاتى 1 320 مۆت-تىق بالقاش جەس-ءىن سالۋ جوباسى بويىنشا جۇمىستاردى جۇرگىزىپ جاتىر.
«ستانتسيانى سالۋ ەلدىڭ ۇزاق مەرزىمدى ەنەرگەتيكالىق قاۋىپسىزدىگىن ارتتىرۋعا مۇمكىندىك بەرەدى. قازىرگى كەزدە قۇرىلىس الاڭىن جوسپارلاۋ جۇمىستارى جاسالىپ جاتىر, اۆتوكولىك جولدارىن سالۋ باستالدى, جارىلىس جۇمىستارى جۇرگىزىلدى. ينفراقۇرىلىمدى دايىنداۋ – كىرەبەرىس تەمىر جولداردى قايتا جوندەۋ, حيميالىق سۋ تازارتۋ تسەحىن سالۋ, سۋمەن قامتاماسىز ەتۋ جانە كارىز جۇيەلەرىن سالۋ جۇمىستارى اياقتالدى. بالقاش كولىنەن سۋتارتقىش پايدالانۋعا بەرىلدى» دەدى الماسادام ساتقاليەۆ.
بالقاش جەس-ىندە قولدانىلاتىن نوۋ-حاۋ ەنەرگيا بلوكتارىنىڭ ءتيىمدىلىگىن ارتتىرادى جانە وتىننىڭ ۇلەس سالماعىن ازايتادى. سونىمەن قاتار, جوبادا قورشاعان ورتاعا تيەتىن زياندى مەيلىنشە بولدىرماۋعا ايرىقشا كوڭىل بولىنگەن.
نۇريسلام قۇسپانعالي
