ءبىر جارىم اي بۇرىن, دالىرەك ايتساق, 27 مامىر كۇنى نۇر-سۇلتان قالاسىنىڭ اكىمدىگى ەلوردا تۋرالى ۇزدىك انگە شىعارماشىلىق بايقاۋ جاريالاعان بولاتىن. كەشە اتالعان جارىس قورىتىندىلانىپ, ۇزدىك ءان اۆتورىنا 3 ميلليون تەڭگەنىڭ سەرتيفيكاتى تابىستالدى.
جەڭىمپاز – ەلىمىزگە بەلگىلى «ازيا» توبى. توپ مۇشەلەرىن شاھار باسشىسىنىڭ ورىنباسارى ەرلان كاناليموۆ ماراپاتتادى.
– بۇل سايىس استانالىقتاردى پاتريوتتىق سەزىمگە تاربيەلەۋ, سونداي-اق قالانىڭ ەڭ ۇزدىك نىشاندارىن جاساۋ جانە ۇلتتىق ونەردى دامىتۋ ماقساتىندا وتكىزىلگەن-ءدى. ۇمىتكەرلەرگە قويىلعان باستى تالاپ – ءان بۇرىن كوپشىلىك الدىندا ورىندالماعان بولۋى ءتيىس. كەلىپ تۇسكەن جۇمىستاردىڭ ىشىندە «ازيا» توبىنىڭ ورىنداۋىنداعى ەلوردا جايلى جاڭا ءاندى قازىلار القاسى ۇزدىك دەپ تانىدى, – دەدى ول.
ايتا كەتەيىك, بايقاۋعا 36 جۇمىس قابىلدانىپ, ونىڭ 31-ءى ىرىكتەۋدەن وتكەن.
