2014 جىلدان باستاپ ەلىمىزدەگى ەڭ تومەنگى جالاقى 19 966 تەڭگەنى قۇرايتىن بولدى. بۇل تۋرالى پارلامەنت سەناتىنىڭ جالپى وتىرىسىندا «2014 – 2016 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىن تالقىلاۋ بارىسىندا ءمالىم بولدى. زاڭ جوباسى بويىنشا 2014 جىلدىڭ 1 قاڭتارىنان باستاپ ەلىمىزدەگى جالاقىنىڭ ەڭ تومەنگى مولشەرى 19 966 تەڭگە شاماسىندا قاراستىرىلعان. سونىمەن قاتار, الداعى جىلدان باستاپ مەملەكەتتىك بازالىق زەينەتاقى تولەمىنىڭ مولشەرى 9 مىڭ 983 تەڭگەنى قۇرايدى, ال زەينەتاقىنىڭ ەڭ تومەنگى مولشەرى 20 مىڭ 782 تەڭگە شاماسىندا بەلگىلەنگەن.
