اسەت يسەكەشەۆ «نۇر وتان» پارتياسى استانا قالالىق فيليالىنىڭ توراعاسى بولىپ سايلاندى
ەلوردا اكىمى اسەت يسەكەشەۆ «نۇر وتان» پارتياسىنىڭ استانا قالالىق فيليالىنىڭ توراعاسى بولىپ سايلاندى.
بۇگىن «نۇر وتان» پارتياسى استانا قالالىق فيليالىنىڭ كەزەكتەن تىس XXIII كونفەرەنتسياسى بولىپ ءوتتى. كەزەكتەن تىس جيىندا «نۇر وتان» پارتياسى توراعاسىنىڭ ءبىرىنشى ورىنباسارى مۇحتار قۇل-مۇحاممەد ساياسي ۇيىمنىڭ استانا قالالىق فيليالىنىڭ توراعاسى لاۋازىمىنا ەلوردا اكىمى اسەت يسەكەشەۆتىڭ كانديداتۋراسىن ۇسىندى. اشىق داۋىس بەرۋ بارىسىندا اسەت ورەنتايۇلىنىڭ كانديداتۋراسى كونفەرەنتسياعا قاتىسقان 192 دەلەگات تاراپىنان ءبىراۋىزدان قولداۋ تاپتى.
سونداي-اق, مۇحتار ابرارۇلى استانا قالاسىنىڭ بۇرىنعى اكىمى ءارى قالالىق فيليالدىڭ توراعاسى بولعان ادىلبەك جاقسىبەكوۆكە پارتيا جۇمىسىن ىلگەرىلەتۋدەگى اتقارعان ەڭبەكتەرىنە العىسىن ءبىلدىرىپ, جاڭا توراعانىڭ جۇمىسىنا جەتىستىك تىلەدى. «مەملەكەت باسشىسى قالا باسشىسى رەتىندە ءا.ورەنتايۇلىن بەكەردەن-بەكەر تاڭداعان جوق. ويتكەنى, استانا قالاسى جاڭاشىلدىق پەن يننوۆاتسيانىڭ ورتالىعى بولىپ وتىر. ال, يسەكەشەۆتى وسى سالانىڭ بىلگىر مامانى دەۋگە بولادى. ءارى وسى ماقساتتا جۇكتەلگەن مىندەتتەردى تولىقتاي ورىنداپ شىعادى دەپ سەنەمىز» دەدى مۇحتار قۇل-مۇحاممەد.
سونداي-اق, كەزەكتەن تىس جيىندا «نۇر وتان» پارتياسىنىڭ استانا قالالىق فيليالى ساياسي كەڭەسىنىڭ جاڭا قۇرامى بەكىتىلدى.
بۇركىت نۇراسىل
