كوزدەگەنىمىز – ساپا كورسەتكىشى
استانا مەديتسينا ۋنيۆەرسيتەتىنىڭ رەكتورى, پروفەسسور ءماجيت شايداروۆ ايتۋلى وقۋ ورنى ستۋدەنتتەرىمەن مەملەكەت باسشىسى ن.ءا.نازارباەۆتىڭ «قازاقستان – 2050» ستراتەگياسى: قالىپتاسقان مەملەكەتتىڭ جاڭا ساياسي باعىتى» اتتى جولداۋىنا ارنالعان كەزدەسۋ وتكىزدى.
وقۋ ورنى باسشىسى ءوز سوزىندە ەلباسى نۇرسۇلتان نازارباەۆتىڭ حالىققا ارناعان جولداۋىندا الدىمەن قازاقستانداعى ادام كاپيتالىنىڭ ساپا جاعىنان وسۋىنە ەرەكشە نازار اۋدارعانىن اتاپ ءوتتى. وسى ورايدا, اسىرەسە, ءبىلىم بەرۋ جانە دەنساۋلىق ساقتاۋ سالاسىنا ايرىقشا ماڭىز بەرىلگەنىن جەتكىزدى.
كەزدەسۋ بارىسىندا ۋنيۆەرسيتەتتىڭ وتكەن جىلداعى جۇمىستارى جونىندەگى مالىمەتتەر جاريالانىپ, باسشىلىق مەن ستۋدەنتتەر اراسىندا ەركىن ديالوگ ورىن الدى. بۇگىنگى تاڭدا ۋنيۆەرسيتەت ۇجىمى بولاشاق مامانداردىڭ ساپاسىن ارتتىرۋعا كوپ كوڭىل بولەدى. بۇل جەردە ستۋدەنتتەردىڭ ساباق ۇلگەرىمىنىڭ جانە ءبىلىم بەرۋ قىزمەتىندەگى ساپا كورسەتكىشتەرىنىڭ تالداۋى نەگىزگە الىنادى. وقۋ ورنى ءبىرىنشى كۋرسقا قابىلداناتىن ستۋدەنتتەردىڭ سانىنا ەكىنشى جىل ماقساتتى تۇردە شەكتەۋ قويىپ وتىر. بىراق, ءبىرىنشى كۋرسقا قابىلداناتىن تالاپكەرلەر سانىنا شەكتەۋ قويىلعانمەن, ساپا كورسەتكىشىنىڭ ارتقانىن بايقايمىز. مىسالى, 2012 جىلى قابىلدانعان تالاپكەرلەردىڭ 18 پايىزدان استامى – «التىن بەلگى» توسبەلگىسىنىڭ يەگەرلەرى, حالىقارالىق جانە رەسپۋبليكالىق وليمپيادالاردىڭ ءجۇلدەگەرلەرى. بۇل رەسپۋبليكامىزداعى بارلىق مەديتسينالىق جوعارى وقۋ ورىندارىنداعى كورسەتكىشتەردەن 4 ەسە ارتىق ەكەنىن ايتا كەتكەن ءجون. وسىنداي ۇستانىمنىڭ ارقاسىندا سوڭعى ەكى جىلدا «فارماتسيا», «جالپى مەديتسينا», «قوعامدىق دەنساۋلىق ساقتاۋ» ماماندىقتارىندا وقيتىن ستۋدەنتتەردىڭ ساباق ۇلگەرىمدەرى جاقساردى. ال, اكادەميالىق قارىزدارىن وتەي الماعاندىعى ءۇشىن 211 ستۋدەنت وقۋدان شىعارىلدى. اقىلى نەگىزدە وقيتىن ستۋدەنتتەر ساباقتى جاقسى وقىسا, مەملەكەتتىك گرانتقا اۋىسا الادى. مىسالى, وتكەن جىلى 65 ستۋدەنت مەملەكەتتىك گرانتقا اۋىستى.
وسى ەسەپتىك جىلدا ۋنيۆەرسيتەتتىڭ ماتەريالدىق-تەحنيكالىق بازاسى ايتارلىقتاي نىعايدى. پراكتيكالىق ماشىقتاردى يگەرۋ ساپاسىن جاقسارتۋ ماقساتىندا 600-دەن استام ستۋدەنت ءتۇرلى ايماقتارداعى ەمدەۋ مەكەمەلەرىندە وقۋ-وندىرىستىك پراكتيكادان ءوتتى. «قوعامدىق دەنساۋلىق ساقتاۋ» ماماندىعى بويىنشا 3-كۋرستىڭ بەس ستۋدەنتى اكادەميالىق ۇتقىرلىق اياسىندا نوۆوسىبىر مەملەكەتتىك مەديتسينا ۋنيۆەرسيتەتىندە (رەسەي) ءبىر سەمەسترلىك وقۋعا باردى, 172 ستۋدەنت قازاقستاننىڭ مەديتسينالىق جوعارى وقۋ ورىندارىندا جەكەلەگەن تسيكلدەردى وقىدى.
«استانا مەديتسينا ۋنيۆەرسيتەتى» اق ستۋدەنتتەرى مەن جاس عالىمداردىڭ 55-ءى عىلىمي-پراكتيكالىق كونفەرەنتسياسىنىڭ قورىتىندىسى بويىنشا 30 ستۋدەنت جانە جاس عالىم ماراپاتتالدى. سونىمەن قاتار, كەيبىر ستۋدەنتتەر ماسكەۋ, سانك-پەتەربۋرگ, ورال, اقتوبە قالالارىندا وتكەن عىلىمي كونفەرەنتسيالارعا قاتىسىپ, جۇلدەلى ورىنداردى يەلەندى.
وقۋ ورنىن بىتىرگەن تۇلەكتەرگە دەگەن سۇرانىستىڭ جوعارى ەكەندىگى بايقالادى. بىلتىر دارىگەر-ينتەرندەر مەن تۇلەكتەردى جۇمىسقا ورنالاستىرۋ كورسەتكىشى 96 پايىزدى قۇراپ, ولاردىڭ 17 پايىزى اۋىلدىق جەرلەردەگى ەمدەۋ-پروفيلاكتيكالىق مەكەمەلەرگە جۇمىسقا جىبەرىلدى. وقىتۋشى-پروفەسسورلىق قۇرام دا پەداگوگيكالىق بىلىكتىلىكتى جانە شەبەرلىكتى شىڭداۋدا تالماي ەڭبەك ەتۋدە. ءبىلىم جانە عىلىم مينيسترلىگى وتكىزگەن بايقاۋ قورىتىندىسى بويىنشا ءتورت وقىتۋشى «جىلدىڭ ۇزدىك ۇستازى» اتاعىنا يە بولدى.
ءبىزدىڭ سەگىز ۇزدىك ستۋدەنتىمىز پرەزيدەنت ن. نازارباەۆ شاكىرتاقىسىنىڭ يەگەرى. 2011-2012 وقۋ جىلىنىڭ قورىتىندىسى بويىنشا ساباقتى جاقسى وقىپ, عىلىمي-قوعامدىق جۇمىستارعا بەلسەندى ارالاسقانى ءۇشىن ءۇش ستۋدەنت ۆ.گ.كورپاچەۆ اتىنداعى شاكىرتاقىنىڭ يەگەرى اتاندى. سونداي-اق, ستۋدەنتتەر وقۋ جىلى بارىسىندا رەسپۋبليكالىق جانە حالىقارالىق دەڭگەيدەگى ءتۇرلى 70 قوعامدىق ءىس-شاراعا بەلسەندى تۇردە قاتىستى.
سونداي-اق, «استانا مەديتسينا ۋنيۆەرسيتەتى» اق ساپا مەنەدجمەنتى ەۋروپالىق قورى (EFQM) كەمەلدىك مودەلىنىڭ «مويىندالعان كەمەلدىك» دەپ اتالاتىن ەكىنشى دەڭگەيىنە ءوتتى جانە قازاقستان جوو اراسىندا ءبىرىنشى بولىپ 4 جۇلدىز الدى.
ۋنيۆەرسيتەت قىزمەتىنىڭ ماڭىزدى باعىتتارىنىڭ ءبىرى – جەمقورلىقتىڭ الدىن الۋ. سەسسيا الدىندا ءبىلىم الۋشىلار اراسىندا جاسىرىن تۇردە ساۋالناما جۇرگىزىلەدى. www.amu.kz سايتىنداعى «رەكتوردىڭ جەكە پوشتاسى», سەنىم تەلەفونى, ۇسىنىستار مەن شاعىمدارعا ارنالعان جاشىك تۇراقتى تۇردە جۇمىس ىستەيدى.
وسىلايشا وقىتۋشى-پروفەسسورلار قۇرامىنىڭ, ستۋدەنتتەردىڭ جەمىستى ەڭبەگىنىڭ ارقاسىندا ۋنيۆەرسيتەتىمىز ەلىمىزدەگى مەديتسينالىق جوو اراسىندا ەكىنشى جىل قاتارىنان ءبىرىنشى ورىندى يەلەندى.
مارجان سەرىكجانقىزى,
«استانا مەديتسينا ۋنيۆەرسيتەتى» اق Web–وكىلدىك جانە قوعاممەن بايلانىس
ءبولىمى مامانى