ءلاززات كوككوزوۆا, حالىقارالىق «استانا» ەكشن-فيلمدەر كينوفەستيۆالىنىڭ مەديا ديرەكتورى:استانا ءوز سۋپەر كەيىپكەرىن ىزدەيدى
وتكەن اپتادا تيمۋر بەكمامبەتوۆتىڭ ءىىى حالىقارالىق «استانا» ەكشن-فيلمدەر كينوفەستيۆالىنىڭ وتەتىندىگى رەسمي حابارلاندى. بيىل اتالمىش كينو كورمە ەلورداعا 3 مىڭنان استام قوناقتار مەن قاتىسۋشىلاردى جيناماق. وسى رەتتە ءبىز, كينوفەستيۆالدىڭ مەديا ديرەكتورى ءلاززات كوككوزوۆاعا ساۋال جولداپ, تيمۋر مەن ونىڭ كومانداسىنىڭ بيىلعى فەستيۆالعا دايىندىعى تۋرالى از-كەم مالىمەت الدىق.
– بەكمامبەتوۆ كينوفەستيۆالى جىلداعى داستۇردەن جاڭىلماي شىلدەنىڭ 1-3 ارالىعىندا استانادا وتەدى. سالتاناتتى اشىلۋى 1 شىلدە كۇنى بەيبىتشىلىك جانە كەلىسىم سارايىندا وتەدى. استانا كەزەكتى رەت الەمدىك كينو مايتالماندارىن, ايگىلى اكتەرلەر مەن رەجيسسەرلەر, مادەنيەت جانە ونەر قايراتكەرلەرىن, پروديۋسەرلەر مەن الەۋەتتى ينۆەستورلاردى جينايدى. قاتىسۋشىلار اراسىندا قازاقستان, جاپونيا, كورەيا, قىتايدان 150 دەلەگات, اقش, ەۋروپا, رەسەي جانە قازاقستاننان 300-دەن استام قوناق بار. باس قالانىڭ تۇرعىندارى قوناقتاردىڭ اراسىنان دومينيك كۋپەر, ۆلاديمير مەنشوۆ, الەكسەي پەترەنكو, ارتەم تكاچەنكو سىندى اتاقتى ارتيستەردى كورە الادى.
– بيىلعى فەستيۆال نەسىمەن ەرەكشەلەنبەك؟
– «استانا» ەكشن-فەستيۆالىنىڭ اياسىندا العاش رەت جاستارعا ارنالعان «ART FEST» بايقاۋى وتەدى.
– بۇل – جاس تالانتتاردى ىزدەۋگە جانە ولارعا قولداۋ كورسەتۋدى دىتتەگەن بايقاۋ. وعان 200-دەن استام جاس رەجيسسەرلەر, ستسەناريستتەر, وپەراتورلار مەن انيماتورلار ءوتىنىش بەردى. وسىلاردىڭ ىشىنەن ىرىكتەۋدەن وتكەندەر فەستيۆالدىڭ ءۇش كۇنىندە «1 كۇن ىشىندەگى ۆيدەو, كوميكستەر, كوستيۋمدەر, انيماتسيا» نوميناتسيالارى بويىنشا «استانا سۋپەر كەيىپكەرىن» جاساۋ جونىندە ءوز يدەيالارىن ورتاعا سالادى. ياعني, استانا ءوز سۋپەر كەيىپكەرىن ىزدەيدى.
– استانانىڭ سۋپەر كەيىپكەرىنە قويىلاتىن تالاپ بار ما؟ ول قانداي بولۋى كەرەك؟
– نەگىزگى تالاپ – قازاق حالقىنىڭ مادەنيەتىن, قازاقستاننىڭ قازىرگى ەلورداسىنىڭ رۋحىن كورسەتەتىن بۇگىنگى كۇننىڭ مۇلدەم جاڭا كەيىپكەرىن ويلاپ تابۋ.
– ايگىلى ارتىستەر مەن رەجيسسەرلەردىڭ شەبەرلىك كلاسى وتەتىن-ءدى…
– ءيا, ول دا بار. تانىمال كينو مەترلەرىنىڭ قاتىسۋىمەن 7 ماستەر-كلاسس وتەدى. ونىڭ ىشىندە «روبين گۋد», «گراف مونتە-كريستو» فيلمدەرىن تۇسىرگەن امەريكاندىق رەجيسسەر جانە ستسەناريست كەۆين رەينولدەس بار. بۇدان بولەك بيىل فينالعا شىققان 10 قاتىسۋشى اراسىندا ستسەناريلەر سايىسى وتەدى. ونىڭ جەڭىمپازىن تيمۋر بەكمامبەتوۆ ءوزىنىڭ ارنايى سىيلىعىمەن ماراپاتتايدى.
– سوڭعى سۇراق. كينوفەستيۆالدىڭ باعدارلاماسى تۋرالى ايتىپ بەرسەڭىز…
– بيىلعى باعدارلاما 16 فيلمنەن تۇرادى. بەتاشار ءفيلمى –ت.بەكمامبەتوۆتىڭ «پرەزيدەنت لينكولن: ۆامپيرلەر اڭشىسى». گالا پرەمەرا – فرانتسيانىڭ بەلگىلى رەجيسسەرى جيۋلەن لەكلەركتىڭ «شابۋل» ءفيلمى. سوڭعى كورسەتىلىم – مارك ۋەببتىڭ «جاڭا ورمەكشى ادام» تۋىندىسى.
سونداي-اق, ءۇش كۇن بويى سۋپەر كەيىپكەرلىك, الەمدىك ەكشن, دەرەكتى ەكشن, كەۆين رەينولدس رەتروسپەكتيۆاسى جانە قازاق تىلىندەگى كورسەتىلىمدەر ارنايى بولىمدەرى بويىنشا 13 فيلم كورەرمەن نازارىنا ۇسىنىلاتىن بولادى.
– اڭگىمەڭىزگە راحمەت!
ايگەرىم ەسماعانبەتوۆا,
قمۋ ستۋدەنتى
