وسى اپتادا ەلوردا تۇرعىندارى مەن قوناقتارىنا ارنالعان 30-دان استام ءتۇرلى مادەني-تانىمدىق شارا ۇيىمداستىرىلادى. قالانىڭ مادەنيەت مەكەمەلەرى كونتسەرتتەر, قويىلىمدار, كورمەلەر, شەبەرلىك ساباقتارىن, ت. ب. دايىندادى.
مەملەكەتتىك اكادەميالىق فيلارمونيادا 19 قاڭتار كۇنى كەشكى ساعات 19:00-دە قازاقستاننىڭ ەڭبەك ەرى, كسرو جانە قازاقستاننىڭ حالىق ءارتىسى, مەملەكەتتىك سىيلىقتىڭ لاۋرەاتى, پروفەسسور ەركەعالي راحماديەۆتىڭ شىعارماشىلىعىنا ارنالعان «تاڭ سامالى» كونتسەرتى وتەدى.
جاستار سارايىندا وسى اپتا بويى تاڭعى 9:00-دەن 18:00-گە دەيىن «ونەر فونتانى» ءينتۋيتيۆتى كەسكىندەمە بويىنشا سۋرەتتەر كورمەسى مەن شەبەرلىك ساباقتارى ۇيىمداستىرىلادى. 21 قاڭتار كۇنى كەشكى ساعات 20:00-دە ساراي ساحناسىندا گلەب سامويلوۆ «اگاتا كريستي» توبىنىڭ 35 جىلدىعىنا ارنالعان باعدارلامامەن ونەر كورسەتەدى.
«الجير» مۇراجاي-مەموريالدىق كەشەنىندە 19 قاڭتار كۇنى «ۇرپاقتار جادىندا» كورمەسى اشىلادى. ساكەن سەيفۋللين مۇراجايىندا 20 قاڭتارعا دەيىن «ساكەن جانە گۇلباھرام» فوتوسۋرەتتەر كورمەسىن تاماشالاۋعا بولادى. اتالمىش مۋزەيدە 19 قاڭتاردا «ۇلت ماقتانىشى» دەرەكتى ءفيلمى كورسەتىلەدى. 20-24 قاڭتار كۇندەرى مۇراجايدىڭ اشىلعانىنا 35 جىل تولۋىنا وراي «لاتىن جانە توبە قارپىمەن جازىلعان ساكەن شىعارمالارى» كورمەسى ۇيىمداستىرىلادى.
استانا قالاسى تاريحي-مادەني مۇرا وبەكتىلەرىن جانە ەسكەرتكىشتەردى ساقتاۋدى قامتاماسىز ەتۋ ورتالىعى 19 قاڭتاردا وقۋشىلار اراسىندا احمەت بايتۇرسىنوۆتىڭ 150 جىلدىعىنا, سونداي-اق كامەلەتكە تولماعاندار اراسىنداعى قۇقىق بۇزۋشىلىقتىڭ الدىن الۋ بويىنشا سىنىپ ساعاتىن وتكىزەدى.
م.گوركي اتىنداعى مەملەكەتتىك اكادەميالىق ورىس دراما تەاترى 21 قاڭتار كۇنى ساعات 11:00-دە بالدىرعاندارعا م.ءسۋپونيننىڭ «ەشكى-دەرەزا» ەرتەگىسىن, ال سول كۇنى كەشكە ۆ.شۋكشيننىڭ «جارقىن ويلار» سپەكتاكلىن ۇسىنادى.
قۋىرشاق تەاترىندا 20-22 قاڭتار كۇندەرى م.ارعىمباەۆانىڭ «ەلۆين جانە سيقىرلى ورمان تۇرعىندارى» قويىلىمىن تاماشالاۋعا بولادى.
21 قاڭتار كۇنى ساعات 19:00-دە «جاستار» تەاترىندا «مۇڭ» دراماسىنىڭ پرەمەراسى بولادى. ال سول كۇنى كەشكە «جانارىمداعى جالعىزىم – اۋەن» اتتى تەاترلاندىرىلعان كونتسەرتتىك باعدارلاماسى وتەدى.
ءا.مامبەتوۆ اتىنداعى مەملەكەتتىك دراما جانە كومەديا تەاترى 20 قاڭتاردا «ريچارد III» قويىلىمىن ۇسىنادى.
مۋزىكالىق جاس كورەرمەن تەاترى 19 قاڭتاردا «شانەل №5» دەرەكتى دراماسىنا شاقىرادى, 20 قاڭتاردا «ءشامشى» ميۋزيكلى كورسەتىلەدى. 22 قاڭتاردا كورەرمەندەردى «ماحاببات بار ما؟» كومەدياسى كۇتەدى.
وسى اپتادا قالالىق كىتاپحانالاردا وقىرماندار مەن وقۋشىلار ءۇشىن بالالاردىڭ وي-ءورىسىن كەڭەيتۋگە, ولاردىڭ كورنەكتى قايراتكەرلەردىڭ ونەرى مەن شىعارماشىلىعىمەن تانىسۋعا باعىتتالعان وزەكتى تاقىرىپتار بويىنشا تانىمدىق ساعاتتار وتكىزىلەدى. 19 قاڭتار كۇنى ساعات 15:00-دە №2 بالالار كىتاپحاناسىندا وقىرماندارعا اقپارات ساعاتى وتەدى. №5 كىتاپحانا قۇرمانعازى ساعىربايۇلىنىڭ تۋعانىنا 200 جىل تولۋىنا وراي «كۇي اتاسى اتانعان قۇرمانعازى» مۋزىكالىق ساعاتىن وتكىزەدى. 20 قاڭتار كۇنى ساعات 14:00-دە №12 كىتاپحانادا ابىلاي حاننىڭ تۋعانىنا 312 جىل تولۋىنا وراي «ءوزىن قولباسشى جانە باتىر رەتىندە دارىپتەگەن» تاقىرىبىندا تاريحي پورترەت ءىس-شاراسى ۇيىمداستىرىلادى, ال ءبىر ساعاتتان كەيىن №15 كىتاپحانا مۇرات اۋەزوۆتىڭ 80 جىلدىعىنا وراي ادەبي ءىس-شاراعا شاقىرادى.
