«مەنىڭ قازاقستانىم» پويىزى ورالدى
كەشە ەلوردانىڭ باس قاقپاسى استانا ۆوكزالىنا ايعا جۋىق ەلىمىزدىڭ بارلىق ايماعىن ارالاپ كەلگەن «مەنىڭ قازاقستانىم» پويىزى ورالدى. سالتاناتتى شاراعا پارلامەنت ءماجىلىسىنىڭ دەپۋتاتتارى, قازاقستان حالقى اسسامبلەياسىنىڭ مۇشەلەرى جانە مەملەكەتتىك مەكەمەلەر مەن ەتنومادەني بىرلەستىكتەردىڭ وكىلدەرى قاتىستى.
وتىز كۇن بويى ەلىمىزدىڭ 29 قالاسى مەن ەلدى مەكەندەرىندە بولىپ, مەملەكەت باسشىسىنىڭ «نۇرلى جول – بولاشاققا باستار جول» اتتى جولداۋىن ءتۇسىندىرىپ, «ماڭگىلىك ەل» يدەياسىن دارىپتەپ, شالعايداعى جۇرتشىلىقپەن جاقىن تىلدەسىپ, ولاردىڭ مۇڭ-مۇقتاجىن ەستىپ, ەلدەگى تۇرعىندارعا مەديتسينالىق-الەۋمەتتىك قىزمەت كورسەتىپ, ءتۇرلى مادەني-سپورتتىق شارالار وتكىزىپ, ويعا العان بارلىق ماقساتتى ورىنداپ ورالعان ساپاردىڭ ءمانى تاعىلىمدى دۇنيەگە تولى بولدى. اكتسيا اياسىندا قوعامدىق كەلىسىم كەڭەسىنىڭ قابىلداۋىندا الەۋمەتتىك ماسەلەلەرى بويىنشا 1893 ادام كەڭەس الىپ, بيز-
نەس جانە اۋىلشارۋاشىلىق سالا-لارى جونىندە قويىلعان 1616 ازاماتتىڭ سۇراقتارىنا جاۋاپ بەرىلگەن. ال مادەني شارالاردى 180 مىڭ
كورەرمەن تاماشالاسا, جالپى, وسى اكتسياعا 960 مىڭ قازاقستاندىق قاتىسقان. سونداي-اق, ىزگى شارا كولەمىندە ەلىمىزدىڭ بارلىق ءوڭىرلەرىندە «سالاماتتى قازاقستان», «دەنساۋلىق» جانە «ءجاردەم» مەديتسينالىق پويىزدارى تۇرعىندارعا دارىگەرلىك كومەك كورسەتتى.
ءبىر ەرەكشەلىگى, «مەنىڭ قازاقستانىم» پويىزى تەك ەل ارالاپ قانا قويماي, تاريحي جەرلەرگە دە باس بۇرىپ, ارنايى ات شالدىرعان. ماسەلەن, جەر ءجانناتى جەتىسۋدا بولعاندا, كورنەكتى عالىم شوقان ءۋاليحانوۆتىڭ, سەمەيدە اباي اتامىزدىڭ تاريحي مۇراجايلارىندا بولىپ, كەزدەسۋلەر وتكىزگەن. سونداي-اق, قازاقستان حالقى اسسامبلەياسىنىڭ «تەڭدەسسىز سىيلىق» اكتسياسى اياسىندا شالعاي اۋىلدا ورنالاسقان كىتاپحانالارعا قاجەتتى كىتاپتار تارتۋ ەتىلدى.
– بۇگىن ءبىزدى ەلوردانىڭ ءوزى اسپاننان جاۋعان نۇرمەن قارسى الىپ تۇر. بۇل – جاقسىلىقتىڭ بەلگىسى. ءبىز بارعان بارلىق جەردە تابيعات-انانىڭ ءوزى دە وسىلاي جادىراپ, جاي-ناپ تۇردى. بارلىق ەل ءبىزدى قۇشاق جايا قارسى الىپ, ىستىق ىقىلاستارىن كورسەتتى. بۇدان ارتىق قانداي قۋانىش كەرەك. ءبىزدىڭ ەلدىڭ دوستىققا دەگەن, بىرلىككە دەگەن ءىلتيپاتى ەرەكشە. ەل ىشىنەن سونى بايقادىق. حالىقتىڭ كوڭىل كۇيى جاقسى, ءبىز بارعان قالالار مەن ەلدى مەكەندەردە كوپتەگەن وڭ وزگەرىستەر بولىپ جاتىر. پويىزدا جالپى سانى 200-گە جۋىق ادام بولدى. ولاردىڭ بارلىعى دا تۇرعىن-
دارعا قىزمەت كورسەتتى, – دەدى «مەنىڭ قازاقستانىم» پويىزىنىڭ جەتەكشىسى عازەز تەلەباەۆ.
ازامات ەسەنجول