اعىمداعى جىلدىڭ 26 ساۋىرىنە دەيىنگى جاعداي بويىنشا, ەلوردانىڭ جەرگىلىكتى اتقارۋشى ورگاندارىنداعى كوميسسيالارعا قازاقستان رەسپۋبليكاسىنىڭ اۋماعىندا ورنالاسقان مۇلىكتى زاڭداستىرۋ بويىنشا نىسان قۇنى 88,6 ملرد تەڭگەنى قۇرايتىن 6 655 ءوتىنىش كەلىپ تۇسكەن.
وسى كورسەتكىشتى ەلورداداعى اۋداندارعا ءبولىپ قارايتىن بولساق, الماتى اۋدانى بويىنشا 3 مىڭنان اسا ءوتىنىش تىركەلگەنىن كورەمىز. زاڭداستىرىلۋى ءتيىس نىسانداردىڭ جالپى قۇنى 49,7 ملرد تەڭگەنى قۇرايدى. وسىنىڭ ىشىندە 27,8 ملرد تەڭگەگە باعالانعان مۇلىك تۇرعىن ءۇي نىساندارى بولسا, تۇرعىن ۇيگە جاتپايتىن نىساندار قۇنى – 21,4 ملرد تەڭگە. كوممەرتسيالىق نىساندار 13,8 ملرد تەڭگە شاماسىندا. قالعاندارى – زاڭدى تۇلعالاردىڭ ۇلەسىنە تيەسىلى مۇلىكتەر.
ەسىل اۋدانىنان 1 089 ءوتىنىش تۇسكەن. ياعني, ازاماتتار جالپى قۇنى 24,3 ملرد تەڭگەدەن اساتىن مۇلىكتى زاڭداستىرۋدى وتىنەدى. ونىڭ 17 ملرد تەڭگەدەن استامى – تۇرعىن ءۇي نىساندارى, 7,0 ملرد تەڭگەسى – تۇرعىن ءۇي بولىپ سانالمايتىن نىساندار. قالعانى كوممەرتسيالىق جىلجىمايتىن مۇلىكتەر بولىپ تانىلعان.
سارىارقا اۋدانىنان ەسەپكە الىنعان ءوتىنىش – 2 437. زاڭداستىرىلۋعا ۇسىنىلعان نىسانداردىڭ جالپى قۇنى 14,7 ملرد تەڭگەگە جۋىقتايدى. ونىڭ 8,5 ملرد تەڭگەسى تۇرعىن ءۇي نىساندارى سانالسا, 6,2 ملرد تەڭگەگە باعالانعان نىساندار تۇرعىن جايلارعا جاتپايدى. بۇل اۋداندا زاڭداستىرۋ كوزدەلگەن كوممەرتسيالىق نىسانداردىڭ قۇنى 5,3 ملرد تەڭگە كولەمىندە.
بۇگىندە ارنايى كوميسسيا تىركەلگەن وتىنىشتەردىڭ 2767-ءسىن ماقۇلداعان. سونىڭ ناتيجەسىندە جالپى قۇنى 28,9 ملرد تەڭگەنى قۇرايتىن 6 017 نىسان زاڭداستىرىلعان.
سونداي-اق, اكتسيا باستالعان ۋاقىتتان بەرى قالالىق مەملەكەتتىك كىرىستەر ورگاندارىنا اقشالاي قارجىنى جەكەشەلەندىرۋ بويىنشا 126 ارنايى دەكلاراتسيا ۇسىنىلدى. ونىڭ جالپى قۇنى 223,9 ملرد تەڭگەگە تەڭ. ال, زاڭداستىرىلعان قۇندى قاعازداردىڭ قۇنى 8110 مىڭ تەڭگەنى قۇرادى.
ايتا كەتەيىك, جىل باسىنان ارنايى زاڭعا وزگەرىس ەنگىزۋ ناتيجەسىندە بۇگىندە اقشالاي قاراجاتتاردى زاڭداستىرۋ ءتارتىبى ءبىرشاما جەڭىلدەگەن. مامانداردىڭ ايتۋىنا قاراعاندا, قارجىسى مەن مۇلكىن زاڭداستىرۋ ارقىلى ازاماتتار قىلمىستىق قۋدالاۋدان ساقتاندىرىلىپ قويماي, اكىمشىلىك جاۋاپكەرشىلىكتەن قۇتىلىپ, سالىق تولەۋدەن بوساتىلادى. قۇزىرلى ورگاندار مۇلكىن زاڭداستىرۋشى ازامات جايلى اقپاراتتاردىڭ قۇپيالىعىن قامتاماسىز ەتۋگە دە كەپىلدىك بەرەدى.
ءمادينا جاقىپ
