بەيسەنبى, 24 قازان كۇنى نۇر-سۇلتان قالاسىندا الەمدەگى ەڭ مىقتى ءارى ەڭ باي تەننيسشىلەر قايىرىمدىلىق ماتچ وتكىزەدى. سپورت جۇلدىزدارى «بارىس ارەنا» سپورت كەشەنىندە ونەر كورسەتەدى. بۇل ماتچقا ەلىمىزدەگى تەننيسپەن اينالىساتىن بالالار مەن جاستار, سونىمەن قاتار سپورت جانكۇيەرلەرى شاقىرىلادى.
نوۆاك دجوكوۆيچ – سەربيا ازاماتى, 32 جاستا, قازىر الەمنىڭ 1-ءشى راكەتكاسى, 16 «ۇلكەن دۋلىعا» جەڭىمپازى, پەكين وليمپياداسىنىڭ قولا جۇلدەگەرى, جەكە كاپيتالى – 135 259 120 $, بويى – 188 سم, سالماعى – 77 كگ.
رافاەل نادال –يسپانيا ازاماتى, 33 جاستا, قازىر الەمنىڭ 2-ءىنشى راكەتكاسى, 19 «ۇلكەن دۋلىعا» ءتۋرنيرىنىڭ جەڭىمپازى, پەكين جانە ريو-دە-جانەيرو وليمپيادا ويىندارىنىڭ چەمپيونى, جەكە كاپيتالى – 115 178 858 $, بويى – 185 سم, سالماعى – 85 كگ.
