گازەتىمىزدىڭ تۇراقتى وقىرمانى, زاڭگەر نۇربوسىن قيزاتبەك رەداكتسيامىزعا ءوز ولەڭىن جولداپتى. قولىنا قالام الۋىنا «بالالىق شاعىمنىڭ اسپانى» كوركەم ءفيلمى سەبەپ بولىپتى. وسى تۋىندىنى كورۋ ارقىلى ەلباسىنىڭ ويشىلدىعىنا, وقۋعا دەگەن تاباندىلىعىنا, ارمان-قيالىنىڭ جۇيرىكتىگىنە ءتانتى بولعان اعامىزدىڭ جۇرەگىنەن جىر تۇلەپتى. ول تۋرالى ءوزى: «بولاشاق ەلباسىنىڭ فيلمدە تاۋ باسىنا شىعىپ, تاستان قالا جاساپ ويناۋىنىڭ ءوزى كەلەشەگىن كوزدەپ وتىرعانداي, ءدال سول كورىنىستەگى تاس قالا – سارىارقا تورىندەگى استانا دەسەك, قاتەلەسپەيمىز. قازىردە ەلورداعا كەلگەن قوناقتار قىسقا مەرزىمدە استانانى تۇرعىزعان نۇرسۇلتان نازارباەۆتىڭ كورەگەندىگى مەن ەرلىگىنە قايران قالادى» – دەيدى. ءتورت اياعىن تەڭ باسقان ولەڭ بولماعانىنا قاراماستان, اق جۇرەكتەن شىققان جىردى جاريالاۋدى ۇيعاردىق.
باستالدى بولاشاقتىڭ جارقىن كۇنى,
كەۋدەمە شاتتىق قۇيعان التىن نۇرى.
قۇلپىرعان سۇلۋ, كوركەم تابيعاتىم,
ەستىلەدى تامىلجىپ ءار كۇن ءۇنى.
اللانىڭ بەرگەن سىيى – ازاتتىعىم,
تاۋەلسىز, ەركىن, شۇكىر, قازاق بۇگىن.
ەلباسىنىڭ ەڭبەگىن پاش ەتەمىن
استانا دەپ قۇلپىرتقان بوزوق گۇلىن.
بۇل ءاندى سەن دە جىر قىپ ايتاسىڭ با؟
شەجىرە مەن تاريح بار ءار تاسىمدا.
الەمدى تاڭعالدىرىپ بەل اسامىز,
ەگەمەندىك, ەلدىكتىڭ ارقاسىندا.
