«نىسانادا – استانا»
ەلوردانىڭ 15 جىلدىق مەرەيتويىنان ەل ايماقتارى دا قالىس قالىپ تۇرعان جوق. سونداي وڭىرلەردىڭ ءبىرى – باس قالا ىرگەسىنە ءتيىپ تۇرعان قاراعاندى وبلىسى. ءوندىرىستى ولكەدە 21 ماۋسىمدا «استانانىڭ 15 جىلدىعىنا 15 ىزگى ءىس» اتتى 15 كۇندىك باستالدى. بۇل كۇن «نىسانادا – استانا» جالپى تاقىرىپتىق اتاۋعا يە بولدى.
ەكىنشى كۇنى وبلىستىڭ بارلىق قالالارى مەن اۋداندارىنداعى مادەني مەكەمەلەردە: مۇراجايلاردا, كىتاپحانالاردا ەلوردا تىنىسىن بەينەلەيتىن كوركەم, ساياسي, ادەبي, قولدانبالى, حالىق شىعارماشىلىعى كورمەلەرى, ەكسپوزيتسيالار, اقپاراتتىق ستەندىلەر اشىلدى.
15 كۇننىڭ ارقايسىسىنىڭ ءوز اتاۋى بار. ماسەلەن, ءبىر كۇن «expo-2017» قارساڭىندا يندۋستريا جانە جاڭا تەحنولوگيالار كۇنى دەپ اتالادى. سول سياقتى, «استانا, ءبىزدىڭ سپورتتاعى جەتىستىكتەرىمىز ساعان ارنالادى!», «استانانى ماداقتايمىز!», ت.ب. اتاۋلى كۇندەر بار. ون بەس كۇندىك 6 شىلدەدەگى «تۋعان كۇنىڭمەن, استانا!» كۇنىمەن جابىلماق.
امانعالي شميتۇلى