قالا باسشىسىنىڭ وكىمىمەن ايتمۇحامەتوۆ قوسمان قايىرتايۇلى استانا اكىمىنىڭ ورىنباسارى بولىپ تاعايىندالدى. ق. ايتمۇحامەتوۆ تىرشىلىكتى قامتاماسىز ەتۋ جانە ينفراقۇرىلىمدى دامىتۋ ماسەلەلەرىنە جەتەكشىلىك ەتەدى. ەنەرگەتيكا, سۋمەن قامتۋ, گازبەن قامتۋ ۇيىمدارىنىڭ جۇمىسىن ۇيلەستىرۋدى, تىرشىلىكتى قامتاماسىز ەتۋ, قورشاعان ورتانى قورعاۋ جانە تابيعات پايدالانۋ سالالارىندا وڭىرلىك باعدارلامالاردىڭ ورىندالۋىن قامتاماسىز ەتۋدى جۇزەگە اسىرادى.
كەشە اپپاراتتىق كەڭەس بارىسىندا ادىلبەك جاقسىبەكوۆ ءوزىنىڭ جاڭا ورىنباسارىن ۇجىمعا تانىستىردى. ەلوردا اكىمى بۇرىنعى قالا باسشىسىنىڭ ورىنباسارى ۆاسيلي كرىلوۆقا اتقارعان قىزمەتى ءۇشىن العىس ءبىلدىردى جانە جاڭا قىزمەتىندە تابىس تىلەدى.
