وسى جىلدىڭ سوڭىنا دەيىن 8 قالا 4 G جەلىسىنە قوسىلادى دەپ جوسپارلانىپ وتىر. بۇل تۋرالى كەشەگى قر پرەزيدەنتى جانىنداعى وكق ءباسپاسوز ءماسليحاتىنا كەلگەن «قازاقتەلەكوم» اق باسقارما توراعاسى قۋانىشبەك ەسەكەەۆ مالىمدەدى.
كومپانيا باسشىسىنىڭ مالىمەتى بويىنشا الماتى مەن استانا قالالارىندا داۋىستىق قىزمەتتەردى كۇزگە قاراي ىسكە قوسۋ جوسپارلانىپ وتىر. وسى جىلدىڭ اياعىندا اقتاۋ, اقتوبە, اتىراۋ, قاراعاندى, تەمىرتاۋ, جەزقازعان, وسكەمەن, شىمكەنت قالالارىن, سونداي-اق, الماتى مەن استانانىڭ ماڭىنداعى ەلدى-مەكەندەر مەن سەرىكتەس قالالاردى 4G جەلىسىنە قوسۋ كوزدەپ وتىر.
– وتكەن جىلى ەلباسى LTE جەلىسىن ىسكە قوسقان بولاتىن. استانا مەن الماتى قالالارى بۇگىندە اتالمىش جەلىگە قوسىلعان. 2013 جىلعى 31 مامىرداعى مالىمەتكە سايكەس, الماتى مەن استانا قالالارىندا تىركەلگەن «التەل 4G» ابونەنتتەرىنىڭ جالپى سانى 33 مىڭ ادامنان استى. كەلەسى جىلى بارلىق قاجەتتى ەلدى-مەكەندەردى 100 پايىز عالامتور مەن بايلانىس قىزمەتتەرىمەن قامتۋ مۇمكىن بولادى دەپ ويلايمىن. اۋىلداردى بايلانىس پەن عالامتور جەلىسىمەن قامتاماسىز ەتۋ ۋربانيزاتسيا ۇدەرىسىمەن بايلانىستى ەكەنىن اتاپ وتكەن ءجون, – دەدى ق. ەسەكەەۆ.
سونداي-اق, ونىڭ ايتۋىنشا, بۇگىنگە دەيىن ءۇي مەن مەكەمەلەردە تىركەلگەن تەلەفون جەلىلەرى 4 ملن. 70 مىڭعا جەتكەن. جىل سايىن كەڭ جولاقتى عالامتورعا قوسىلۋ سانى 30 پايىزعا ءوسىپ, كورسەتكىش 1 ملن 300 مىڭدى قۇرادى. تەك وسى جىلدىڭ 5 ايىندا iDNet قىزمەتىن پايدالانۋشىلار سانى ەكى ەسەگە ءوسىپ, وعان قوسىلعان وتباسىلار سانى 182 مىڭعا جەتىپتى.
اينۇر شوشاەۆا
