كەشە قازاقستاننىڭ مەكتەپ تۇلەكتەرى ۇلتتىق بىرىڭعاي تەست تاپسىرۋدى باستادى. وسىعان وراي قر ءبىلىم جانە عىلىم ءمينيسترى باقىتجان جۇماعۇلوۆ ۇبت تاپسىرۋ پۋنكتى ۇيىمداستىرىلعان استاناداعى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنە كەلىپ, تۇلەكتەرگە ساتتىلىك تىلەدى. «ەمتيحاندارىڭىز قۇتتى بولسىن! ۇبت-دا قولدانىلاتىن تەست تاپسىرمالارىنىڭ قورى بiرنەشە رەت ساراپتامادان ءوتتi. قازاقستان تاريحى ءپانi بويىنشا تەست سۇراقتارىن تاۋەلسiز ساراپشىلار تەكسەردi. ەندi مەكتەپ تۇلەكتەرi كەلەڭسiز سۇراقتارعا تاپ بولمايدى. سەبەبi, ونداي سۇراقتار الىنىپ تاستالدى» دەدى مينيستر. استانادا ۇبت ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە, س.سەيفۋللين اتىنداعى قازاق اگروتەحنيكالىق ۋنيۆەرسيتەتىندە جانە قازاق گۋمانيتارلىق زاڭ ۋنيۆەرسيتەتىندە وتەدى. العاشقى كۇندە ۇبت-نى 2 مىڭ ەلوردالىق تۇلەك تاپسىراتىن بولادى. ۇبت-نىڭ ءاربىر پۋنكتىندە مەملەكەتتىك جانە اپەللياتسيالىق كوميسسيالار جۇمىس ىستەۋدە. مينيسترلىك جانىنان رەسپۋبليكالىق اپەللياتسيالىق كوميسسيا قۇرىلدى. وڭىرلەردە جەرگىلىكتى اتقارۋشى ورگاندار مەن مەملەكەتتىك كوميسسيالار ۇبت-نى ءساتتى وتكىزۋ ءۇشىن بارلىق جاعدايلاردى جاسادى.
ەركەجان ساتىمبەك
