قازاقستاندا وتەتىن 2017 جىلعى ۋنيۆەرسيادانىڭ لوگوتيپى, نىشانى مەن ۇرانى كوپشىلىككە تانىستىرىلدى.
لوگوتيپ «U» ءارپى ۇلگىسىندە جاسالعان. اتالعان سيمۆول FISU-ءدىڭ مىندەتتى ەلەمەنتى بولىپ تابىلادى. ال, تومەنگى جاعىندا شارانى وتكىزەتىن قالا «Almaty 2017» جانە «Kazakhstan 28 th winter universiade» دەگەن سوزدەر جازىلعان. لوگوتيپكە FISU تالاپتارىنا سايكەس مىندەتتى بولىپ تابىلاتىن ءارتۇرلى تۇستەگى 5 جۇلدىزشا ءسان بەرىپ تۇر. بۇيىرتسا, ايتۋلى شارا «قاناتىڭدى كەڭ سەرپى!» دەگەن ۇرانمەن وتكىزىلەتىن بولدى. شىعارماشىلىق توپ ۋنيۆەرسيادانىڭ نىشانى رەتىندە قازاق دالاسىنىڭ سيمۆولى – قىران قۇستى تاڭداعان. ۇكىمەت باسشىسى س.احمەتوۆتىڭ توراعالىعىمەن وتكەن 2017 جىلعى 28-ءىنشى دۇنيەجۇزىلىك قىسقى ۋنيۆەرسياداعا دايىندىق جۇرگىزۋ جانە وتكىزۋ جونىندەگى ۇيىمداستىرۋ كوميتەتىنىڭ وتىرىسىندا اتالمىش سيمۆولدار رەسمي بەكىتىلگەن.
