بيىل 3-8 قاراشا ارالىعىندا استانا قالاسىندا كەزەكتى XVII حالىقارالىق «شابىت» جاستار شىعارماشىلىعى فەستيۆالى وتكىزىلەدى. قازىر وسى دوداعا قاتىسۋشىلاردىڭ وتىنىشتەرىن قابىلداۋ ۋاقىتى اياقتالىپ قالدى.
ۇيىمداستىرۋشىلاردىڭ ايتۋىنشا, «حالىقتىق مۋزىكا» اتالىمى بويىنشا كورشى قىتاي ەلىندەگى قانداستارىمىزدان كەلىپ تۇسكەن وتىنىشتەر كوپ ەكەن. ياعني, سازسىرناي, جەتىگەن, سىبىزعى, ناي سياقتى ۇرمەلى اسپاپتاردا شەبەر ويناتىن قانداستارىمىز استاناداعى فەستيۆالگە قاتىسىپ, باعىن سىناماق نيەتتە. ال, ەلىمىز بويىنشا وتىنىشتەر سانى جاعىنان سولتۇستىك قازاقستان وبلىسى مەن شىمكەنت ءوڭىرىنىڭ ونەرپازدارى الدا تۇر.
بيىلعى فەستيۆال بۇرىنعىدان وزگەشە بولماق. اتاپ ايتقاندا, بيىل «حالىقتىق مۋزىكا» مەن «كامەرالى حور» اتالىمدارى ەنگىزىلىپ, وسى سالا بويىنشا ماشىقتانعان جاستارعا ءوز باعىن سىناپ, كوزگە تۇسۋگە مۇمكىندىك بار.
ولاي دەۋگە سەبەپ, بۇل بايگەگە قازىلىق ەتۋگە الەمدىك دەڭگەيدەگى ونەر شەبەرلەرى باعا بەرمەك. ال, ەڭ باعالى سىيلىق – پرەزيدەنت كۋبوگى ەكەنى بەلگىلى. سونداي-اق, باس جۇلدەگە – لاۋرەات ديپلومى, مەدال جانە 250 000 تەڭگە تاعايىندالىپ وتىر.
ەڭ باستىسى, «شابىت» حالىقارالىق جاستار شىعارماشىلىعى فەستيۆالىنىڭ جۇلدەگەرى اتانۋ جاس دارىن يەسى ءۇشىن ۇلكەن ساحنا ەسىگىن اشۋعا زور مۇمكىندىك ەكەندىگىن ەستەن شىعارماعانى ءجون.
