1 قاراشادان باستاپ ەسىل اۋدانىنىڭ قار پوليگونىنا 912 رەيس جاسالىپ, 9840 تەكشە مەتر قار شىعارىلدى. قار تازالاۋ جۇمىسىنا 862 جول قىزمەتكەرى مەن 778 ارنايى تەحنيكا جۇمىلدىرىلدى. پوليگوندا كىرۋ مەن شىعۋدى تىركەيتىن كامەرالار جانە نومىرلىك بەلگىلەر ورناتىلعان.
ەسىل اۋدانىنىڭ اۋماعى 11 ۋچاسكەگە, ونىڭ ىشىندە 9 تۇرعىن ءۇي الابىنا بولىنگەن. اۋدان اۋماعىندا بارلىعى 259 كوشە بار (2021 جىلى 16 كوشەگە ۇلعايعان), ونىڭ جالپى ۇزىندىعى 288 شاقىرىمدى (2021 جىلى 27 كم-گە ۇلعايعان) قۇرايدى.
اۋدانداعى قار تازالايتىن اۋماق تا جىل سايىن ۇلعايىپ كەلەدى. ماسەلەن, 2015 جىلدان باستاپ تازالاناتىن الاڭنىڭ كولەمى 14590787 شارشى مەتردى قۇراسا, 2019 جىلدان باستاپ بۇل كورسەتكىش 4079627 شارشى مەترگە ۇلعايدى. اۋداندا 17 ملن شارشى مەتر الاڭ بار. وسى جەردىڭ قارىن تازالاۋ ءۇشىن 600-گە تارتا تەحنيكا مەن 1000 ادام كۇش جۇمىلدىرىلعان. «ءبىزدىڭ نەگىزگى ماقساتىمىز – اۋدان تۇرعىندارىنىڭ ءجۇرىپ-تۇرۋى ءۇشىن قولايلى جاعداي جاساپ, كوشەنى قاردان ۋاقىتىلى تازالاپ وتىرۋ. سول ءۇشىن جۇمىس كۇشىن ەكى اۋىسىمعا كوشىرىپ, كۇندىز دە, تۇندە دە قار تازالاۋ جۇمىسىمەن اينالىسۋدامىز» دەيدى ەسىل اۋدانى اكىمدىگىنىڭ باس مامانى فارحات مويىنوۆ.
ايتا كەتەيىك, اۋدان اۋماعىن سانيتارلىق تالاپتارعا ساي تازارتۋدى 27 مەردىگەرلىك ۇيىم جۇزەگە اسىرادى.
