«قاۋىپسىز جول» اپاتتى ازايتادى
استانا قالاسىنىڭ پوليتسەيلەرى «قاۋىپسىز جول» جەدەل الدىن الۋ شاراسىنىڭ اياسىندا كۇشەيتىلگەن قىزمەت رەجيمىندە جۇمىس ىستەۋدە.
ەلوردا جولدارىندا اپاتتى ازايتۋ ماقساتىندا قولعا الىنعان جەدەل الدىن الۋ شاراسى 22 ماۋسىمعا دەيىن جۇرگىزىلەدى. استانا قالاسى ءىىد ءاپب باستىعى باقىتجان مالىباەۆتىڭ ايتۋىنشا, «قاۋىپسىز جول» شاراسىن ۇيىمداستىرۋ كەزىندە جول-پاترۋلدىك پوليتسياسىنىڭ جەكە قۇرامىنىڭ قىزمەتى كۇشەيتىلىپ, قالا كوشەلەرىندە جول قاۋىپسىزدىگىن باقىلايتىن ساقشىلار كوبەيدى.
باسقارما باستىعىنىڭ مالىمەتى بويىنشا, ۇستىمىزدەگى جىل باسىنان بەرى جول قوزعالىسىن قاداعالاۋ كەزەڭىندە جول ءجۇرۋ ەرەجەسىن بۇزعان 105,5 مىڭ وقيعا تىركەلگەن. ونىڭ ىشىندە جۇرگىزۋشىلەر تاراپىنان بولعانى – 94,5 مىڭ. ال كولىكتى ماس كۇيىندە ايداعان 1 مىڭ ادام ۇستالعان. اكىمشىلىك جاۋاپكەرشىلىككە جاياۋ ءجۇرگىنشىلەر دە تارتىلىپ, بەلگىلەنبەگەن جەردەن وتكەنى ءۇشىن 11 مىڭنان استام تۇرعىنعا ايىپپۇل سالىنعان.
ءايبۇبى نۇربەك