1 جەلتوقسانداعى جاعداي بويىنشا جەرگىلىكتى اتقارۋشى ورگانداردىڭ رۇقساتىمەن قازاقستان اۋماعىندا 13951 شەتەل ازاماتى ەڭبەك ەتەدى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى مالىمدەدى.
شەتەل جۇمىس كۇشىن تارتۋعا رۇقساتتىڭ اراسىندا مىناداي سانات بار: باسشى مەن ونىڭ ورىنباسارلارى ءۇشىن 568 رۇقسات ء(بىرىنشى سانات), قۇرىلىمدىق بولىمشەنىڭ باسشىلارى ءۇشىن 3017 رۇقسات (ەكىنشى سانات). تارتىلعان شجك نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتقا جاتادى, تيىسىنشە ولار – 7 436 جانە 810 ادام. سونداي-اق ماۋسىمدىق جۇمىسقا – 564 ادام, ال كورپوراتيۆتىك اۋىستىرۋ اياسىندا 1556 ادام تارتىلدى.
قازىرگى ۋاقىتتا قازاقستاندا شجك پايدالاناتىن 1679 جۇمىس بەرۋشى بار. ولاردا 384 مىڭنان استام قازاقستان ازاماتى جۇمىس ىستەيدى, بۇل – قىزمەتكەرلەردىڭ جالپى سانىنىڭ 97 پايىزى.
ەكونوميكالىق قىزمەت تۇرلەرى بويىنشا ەڭ كوپ جۇمىس ىستەيتىندەر قۇرىلىس سالاسىندا – 5780 ادام (42 پايىز); تاۋ-كەن ونەركاسىبى جانە كارەرلەردى قازۋ – 1 476 ادام (11 پايىز); كاسىبي, عىلىمي جانە تەحنيكالىق قىزمەت – 1 057 ادام (8 پايىز); وڭدەۋ ونەركاسىبى – 953 ادام (7 پايىز); اۋىل, ورمان جانە بالىق شارۋاشىلىعى – 547 ادام (4 پايىز).
ەڭبەك ميگرانتتارى كەلەتىن نەگىزگى ەلدەر: قىتاي – 3518 ادام, ءۇندىستان – 1645 ادام, تۇركيا – 1577 ادام, انگليا – 1091 ادام, وزبەكستان – 693 ادام.
ەستەرىڭىزگە سالا كەتەيىك, ىشكى ەڭبەك نارىعىن قورعاۋ ماقساتىندا ەڭبەك جانە حالىقتى الەۋمەتتىك قورعاۋ مينيسترلىگى جىل سايىن رەسپۋبليكاعا شەتەلدىك مامانداردى تارتۋعا كۆوتا بەلگىلەيدى جانە بولەدى. بيىلعى قاڭتار ايىندا ەڭبەك مينيسترلىگى شجك تارتۋ كۆوتاسىن بۇرىن جوسپارلانعان 28 352 بىرلىكتەن 21 097 بىرلىككە دەيىن, ياعني 7 255 بىرلىككە (25 پايىزعا) قىسقارتتى. وسى جىلدىڭ جەلتوقسانىندا كۆوتا قوسىمشا 997 بىرلىككە قىسقارتىلىپ, جالپى سانى 20 100-ءدى قۇرادى.
