سارىارقالىقتار ناۋرىزدى ويداعىداي اتاپ ءوتتى

عاسىرلار بويى اتادان بالاعا ميراس بولىپ كەلە جاتقان ءداستۇرلى ناۋرىز مەيرامىن بيىل استانا قالاسى سارىارقا اۋدانىنىڭ اكىمدىگى دە ويداعىداي اتاپ ءوتتى.

مەرەكەدە قالا اكىمدىگى الدىنداعى  الاڭدا  ەلوردا تۇرعىندارى مەن قوناق­تارىنا «ۇلىستىڭ ۇلى كۇنى» اتتى مەرەكەلىك ءىس-شارا ۇيىم­داس­تىرىلدى. باعدارلاماعا تەاتر­لان­دىرىلعان قويىلىم, بايقاۋلار, سپورتتىق جانە ۇلتتىق ويىندار ەنگىزىلىپ, كەلۋشىلەر بەزەندىرىلگەن كيىز ۇيلەر كورمەسى مەن  سالت-ءداستۇر­لەر كورىنىسىن تاماشالادى. كوپشىلىك ناۋرىز كوجە, پالاۋ, باۋىرساق, تاعى باسقا تاعامداردان ءدام تاتتى.

جينالعان قاۋىمدى استانا قالاسى ءماسليحاتىنىڭ حاتشىسى سانسىزباي ەسىلوۆ پەن اۋدان اكىمى ەرماعانبەت بولەكپاەۆ قۇتتىقتادى.

ت. بيگەلدينوۆ كوشەسى جاعىنان الاڭعا كىرە بەرىسكە ەكى التىباقان ورناتىلدى.

الاڭداعى ساحنادا استانا قالاسى مەملەكەتتىك فيلارمونياسىنىڭ ارتىستەرى ونەر كورسەتىپ, جاستار تەاترى ۇيىمداستىرعان «كوش كەرۋەن» اتتى قويىلىم ۇسىنىلدى.

الاڭدا بەيبىتشىلىك كوشەسى جاعىنان 8 كيىز ءۇي تىگىلىپ, وندا ۇلتتىق سالت-داستۇرلەر كوپشىلىكتىڭ نازارىنا تارتىلدى. سونىمەن قاتار, اتالعان مەرەكەدە «سارىارقا  اۋدانىنىڭ ەڭ ۇزدىك كيىز ءۇيى» بايقاۋىنىڭ قورى­تىندىسى جاريا­لاندى.

ناتيجەسىندە ءبىرىنشى ورىن – استانا مەديتسينا ۋنيۆەرسيتەتىنە, ەكىنشى ورىن استانا قالاسى قارجى باس­قارماسىنا تيسە, ءۇشىنشى ورىندى «استانا تازالىق» جشس يە­لەندى. بارلىق جەڭىمپازدار باعالى سىيلىقتارمەن جانە سارىارقا اۋدانى اكىمىنىڭ ديپلومىمەن ماراپاتتالدى.

ساعي ورال