شىعىس پەن قوستانايدان سالەمدەمە
الداعى سەنبىدە قالا اكىمدىگىنىڭ الدىنداعى ورتالىق الاڭدا شىعىس قازاقستان جانە قوستاناي وبلىستارىنىڭ اۋىلشارۋاشىلىق جارمەڭكەسى وتەدى. ءار ايماق ەلورداعا وزىنە ءتان بازارلىعىن الىپ كەلەدى.
اتاپ ايتساق, شىعىستىقتار ءوڭىردىڭ برەندى – التاي بالى مەن بۇعىنىڭ پانتاسى اعىل-تەگىل بولادى دەپ وتىر. ودان بولەك, 12 توننا ءسۇت ونىمدەرى, 8 توننا وسىمدىك مايى, 35 توننا ەت, 200 توننا كارتوپ جانە باسقا دا كوكونىستەر, 13 توننا شۇجىق ونىمدەرى, 2 توننا بالىق 7,5 توننا قىمىز بەن باسقا دا ۇلتتىق ءدامدى ارتقان كەرۋەن انە-مىنە جولعا شىعادى.
ال, قوستانايلىقتاردىڭ بيىلعى توقشىلىق پەن مولشىلىق مەرەكەسى تىڭ يگەرۋدىڭ 60 جىلدىعىمەن تۇسپا-تۇس كەلىپ وتىر.
اۋەلدەن قىزىل قىرمان باستىرىپ, قامبا تولى استىق جيناعان, اۋليەكول سيىرى, قوستاناي جىلقىسى سىندى ەتتى-ءسۇتتى باعىتتاعى, اسىل تۇقىمدى مال شارۋاشىلىعىمەن اتى جايىلعان ايماقتان ءجارمەڭكەگە 60-قا تارتا اۋىل شارۋاشىلىعى جانە تاماق ونەركاسىبى كاسىپورىندارى قاتىسادى. ولاردىڭ اراسىندا «دەپ», «نوۆىي دەن», «وسوبا»,
«كورونا», «تەررا» سياقتى ساۋدا ماركالارىنىڭ ءونىمدەرى بار. قوستاناي وبلىسىنىڭ شارۋا-ديقاندارى جالپى كولەمى 500 تونناداي ازىق-تۇلىكتەن سالەمدەمە جىبەرىپ وتىر.
وبلىس اكىمدىكتەرىنىڭ حابارلاۋىنشا, تاۋارلار بازارداعى باعادان 15-20%-عا ارزان ساتىلادى. سونداي-اق, جۇرتشىلىق ايماق ونەرپازدارىنىڭ كونتسەرتىن تاماشالايدى.
جارمەڭكەدەگى تاۋارلاردىڭ باعالار
قوستاناي وبلىسى
سيىر ەتى | 950 |
قوي ەتى | 900-950 |
جىلقى ەتى | 950-1000 |
قۇس ەتى (ۇيرەك, قاز, تاۋىق) | 600-700 |
پىسىرىلگەن شۇجىق | 420-500 |
جارتىلاي ىستالعان شۇجىق | 800-850 |
«دەپ» ءسۇتى (1,5-2,5%) فينپاك | 110-130 |
«ميلك» ءسۇتى (1,5-2,5%) تەتراپاك | 135-160 |
قىشقىل ءسۇت ونىمدەرى | 100-120 |
جۇمىرتقا | 160 |
ماكارون ونىمدەرى | 120-130 |
جوعارعى سۇرىپتى ۇن | 70 |
ءبىرىنشى سۇرىپتى ۇن | 50 |
نان | 40 |
بال | 1000 |
كۇنباعىس مايى | 220-230 |
كارتوپ | 45-50 |
ءسابىز | 50-60 |
قىزىلشا | 50-60 |
قاربىز | 60 |
شىعىس قازاقستان وبلىسى:
سيىر ەتى | 900 |
قوي ەتى | 950 |
جىلقى ەتى | 1000 |
كارتوپ | 45 |
ءسابىز | 45 |
جۋا | 50 |
قىرىققابات | 40 |
قىزىلشا | 60 |
وسىمدىك مايى | 250-280 |
بال | 950 |
قاراقۇمىق | 130 |
تارى | 120 |
بۇرشاق | 120 |
سازان-سۋداق | 600 |
قايماق | 900 |
سارى ماي | 1500 |
سارى ماي (72,5%) | 1300 |
ىرىمشىك | 1500 |