1941-1945 جىلدارداعى ۇلى وتان سوعىسىنىڭ جەڭىسپەن اياقتالعانىنا الداعى جىلى 70 جىل تولادى. بۇل ادامزات تاريحىنداعى ەڭ اۋىر سوعىس بولعانى بەلگىلى. اۋماعى جاعىنان بۇل قىرعىن دۇنيەجۇزىلىك سيپاتقا يە بولدى. قۇربانداردىڭ سانى جاعىنان دا جوعارى تۇر. تەك ءبىر عانا كەڭەس وداعىنىڭ وزىنەن 20 ميلليوننان استام ادام قازا بولدى. سوندىقتان بۇل سوعىستى ۇمىتۋ مۇمكىن ەمەس. وعان قاتىسقان جاۋىنگەرلەردى, تىلدا جانقيارلىقپەن ەڭبەك ەتكەن ەڭبەكشىلەردى ارداقتاۋ ءاربىر ۇرپاق ءۇشىن ابىرويلى مىندەت بولىپ تابىلادى.
قازىرگى كەزدە مەملەكەت تاراپىنان سوعىس ارداگەرلەرىنە, ولاردىڭ وتباسىنا, تىل ەڭبەككەرلەرىنە جانە سول كەزدە كامەلەتكە جەتپەستەن جۇمىس ىستەگەن جاس بالالارعا دا كوڭىل ءبولىنىپ, ءارتۇرلى جەڭىلدىكتەر جاسالىنىپ جاتىر. وسى جەردە مىنا جايدى ەسكە الۋ كەرەك: سوعىستا قازا بولعان جاۋىنگەرلەردىڭ كوپشىلىگىنىڭ ارتىندا بالالارى قالدى. جاستايىنان جەتىمدىك كورىپ, اۋىرتپالىقپەن ارپالىسقان بۇل بالالار قالاي ءوستى؟ ءبىر جاعىنان اكەلەرىنەن ايىرىلسا, ەكىنشى جاعىنان ءومىر تاۋقىمەتىن كوپ كورگەن مۇنداي بالالاردىڭ كوبى وقۋدا دا, ومىردە دە كوپ نارسەدەن قاعىلدى. سول كەزدە جەتىم قالعان بالالاردىڭ ىشىندە پاتەرسىز جۇرگەندەرى دە جوق ەمەس. جاستارى ۇلعايعان سول ازاماتتار قازىر قولداۋعا ءزارۋ.
بۇگىنگى بەيبىت زاماندا تۋعان جەتىم بالالارعا پاتەر بەرىلىپ, باسقا دا جەڭىلدىكتەر جاسالىپ جاتقانى بەلگىلى. ال, سوعىستا جەتىم قالعان بالالاردىڭ جاعدايى ءالى دە ۇمىت قالۋدا. سوندىقتان, سوعىستىڭ سالدارىنان جەتىم قالعان بالالارعا ۇكىمەت تاراپىنان لايىقتى دارەجەدە كوڭىل بولىنسە ەكەن دەيمىن.
قۋانىشبەك كەرىمقۇلوۆ,
استانا قالاسىنىڭ تۇرعىنى
وتە وتە دۇرىس ايتىلعان اعا. مەنىڭ مارقۇم əكەم ەلەمەسوۆ جاقىپباي بالالىق شاعى ۇرىس كەزىندە قيىنشىلىقپەن وتكەن. ودان سوراقىسى əكەسىنەن جəنە ونىڭ ارتىنان سوعىسقا اتتانعان əكەسىنىڭ ەكى ىنىسىنەن ياعني اعالارىنان ايىرىلىپ شەشەسىمەن ءومىردىڭ بار تاۋقىمەتىن تارتقان.