وتكەن جۇما كۇنى دiن iستەرi اگەنتتiگi مەن «ۇلاعات» مادەنيەت جانە دامۋ قورىنىڭ ۇيىمداستىرۋىمەن اقمولا وبلىسىنىڭ بۋراباي اۋىلىندا «حالىقتىڭ دiني ساۋاتتىلىعىن ارتتىرۋ بويىنشا اقپاراتتىق-ءتۇسiندiرۋ جۇمىسىنىڭ تيiمدiلiگi» تاقىرىبىندا رەسپۋبليكالىق عىلىمي-تاجiريبەلiك كونفەرەنتسياسى ءوتتى.
باسقوسۋدا وزەكتى ماسەلەلەر ورتاعا سالىندى. جيىندى دiن iستەرi اگەنتتiگi توراعاسىنىڭ ورىنباسارى عالىم شويكين اشىپ, ءسوز سويلەدى. كونفەرەنتسيانىڭ ماڭىزدىلىعىن العا تارتقان ع.نۇرماعامبەتۇلى ەل ىشىندە ءداستۇرلى ءدىننىڭ قانات جايۋىنا زيالى قاۋىم وكىلدەرى دە اتسالىسۋ قاجەتتىگىن ايتتى. «دiني ەكسترەميزم – قوعامنىڭ پروبلەماسى. سوندىقتان ۇلتقا قاۋىپ توندىرەتىن بۇل كەسەلمەن قوعام بولىپ كۇرەسۋ كەرەك. وسى باعىتتا ۇكiمەتتiك ەمەس ۇيىمدار, قازاقستان حالقى اسسامبلەياسى, باق وكiلدەرi بiرلەسiپ جۇمىس iستەگەندە عانا ءىسىمىزدىڭ ناتيجەسى ەرتەرەك كورىنەدى. «ساۋساق بiرiكپەي, ينە iلiكپەيدi». وسى تۇرعىدان العاندا, اسiرەسە, زيالى قاۋىمنىڭ ءرولi ەرەكشە.
تاريحتان بەلگiلi, تiلدiڭ, مادەنيەتتiڭ, دiل مەن دiننiڭ, دامۋدىڭ, قۇندىلىقتاردىڭ جاقتاۋشىسى بولعان زيالى قاۋىمنىڭ قوعامداعى ءرولi قاي كەزدە دە تومەندەگەن ەمەس. وكiنىشكە قاراي, بiزدەگى قالام ۇستاعان عالىمدار مەن ەلگە بەلگىلى شىعارماشىلىق ادامدارى دiني احۋالدىڭ وركەندەۋىنە از ۇلەس قوسىپ ءجۇر. بiز زيالى قاۋىم رەسۋرستارىن ءالi دە تولىقتاي قولدانا الماي كەلەمىز» دەدi اگەنتتىك توراعاسىنىڭ ورىنباسارى.
كونفەرەنتسيا جۇمىسىندا اگەنتتىككە قاراستى باسقارما باسشىلارىنىڭ جانە وڭىرلەردەگى قۇزىرلى ورگان وكىلدەرىنىڭ باياندامالارى تىڭدالدى. جيىنعا قاتىسۋشىلار كوكەيلەرىندەگى ساۋالدارىن ورتاعا سالىپ, ۇسىنىس-پىكىرلەرىن جەتكىزدى.
اسحات رايقۇل
