استانا قالالىق سوتىندا سوت ورگاندارىن زاماناۋي اقپاراتتىق تەحنولوگيالارمەن تانىستىرۋ ماقساتىندا دوڭگەلەك ۇستەل جيىنى ءوتتى. وعان حالىققا قىزمەت كورسەتۋ ورتالىعى مەن ۇكىمەتتىك ەمەس ۇيىمداردىڭ وكىلدەرى قاتىستى.
شارا اياسىندا «استانا قالاسى بويىنشا سوتتار اكىمشىسى» رمم باسشىسىنىڭ مىندەتىن اتقارۋشى ايبول يبراگيموۆ سوت جۇيەسىندەگى جاڭالىقتىڭ ءبىرى «سوت كابينەتى» اقپاراتتىق سەرۆيسىنىڭ جۇمىسى جايلى ايتىپ بەردى.
–سوتتارعا قولجەتىمدىلىكتى قامتاماسىز ەتۋدە «سوت كابينەتى» سەرۆيسىن دارا ايتىپ وتكەن ءجون. ونىڭ ەرەكشەلىگى, تۇرعىندار وزدەرىنە ىڭعايلى كەز كەلگەن ۋاقىتتا ۇيىنەن, كەڭسەسىنەن شىقپاي-اق, ينتەرنەت جەلىسى ارقىلى سوتقا تالاپ-ارىزدار, وتىنىشتەر, اپەللياتسيالىق شاعىمداردى ەلەكتروندى تۇردە جولداي الادى. ءارى سوت قۇجاتىن, ىستەگى مارتەبەسىن قاراپ, سوت اكتىسىن شىعارىپ قانا قويماي, وتىنىشتەردى سوتتىڭ قاراۋ مەرزىمدەرىن دە باقىلاۋعا مۇمكىندىگى بار, – دەيدى ايبول يبراگيموۆ.
رەسمي دەرەكتەرگە سۇيەنسەك, بيىلعى جىلدىڭ باسىنان بەرى «سوت كابينەتى» اقپاراتتىق سەرۆيسى ارقىلى 32 135 تالاپ ارىز بەن 2 325 سوتقا جۇگىنۋلەر كەلىپ تۇسكەن. بۇل جۇيە سوت پروتسەسىنە قاتىسۋشىلاردىڭ عانا ەمەس, سوتتىڭ دا ماتەريالدىق شىعىستارىن قىسقارتۋعا, ۋاقىتىن ۇنەمدەۋگە سەپتىگىن تيگىزگەن. جيىن سوڭىندا حالىققا قىزمەت كورسەتۋ ورتالىعىنىڭ وكىلدەرى اتالمىش اقپاراتتىق سەرۆيستىڭ ءتيىمدى تۇستارىن اتاپ ءوتىپ, سەرۆيستى پايدالانۋعا قاجەتتى ەلەكتروندى ساندى قولتاڭبانى الۋدىڭ جولدارىن ءتۇسىندىرىپ بەردى. جاڭا قىزمەت قاعازباستىلىقتان قۇتىلۋدىڭ بىردەن-ءبىر جولى ەكەنىن دە قاتىسۋشىلار باسا ايتتى.
قىمبات نۇرعالي
